Skip to main content

Inuusuttut suliffeqarfinni ikiortarialinnut sullissivinni ilinniagaqartut

Inuusuttut tallimat Tasiilameersut Nuummeersullu suliffeqarfimmut innuttaasunik ikiortarialinnik sullissivimmut Grennessmindemut Taastrupimiittumut tikeqqammerput. Qaammatini tulliuttuni pingasuni piginnaanngorsarnerminnut ilinniagaqarnerminnullu atatillugu iffiortassapput, naatitanik naatitsisassallutik, nivinngaavinnik sanaartussallutik aamma uumasunik paarsissallutik.

Kommuneqarfik Sermersuup aamma Grennessmindep juunimi 2018-imi isumaqatigiissutaannut atatillugu, inuusuttut tallimat Tasiilameersut Nuummeersullu qaammatini tulliuttuni pingasuni ikiortarialinnut suliffeqarfimmi Grennessmindemi Københavnip kitaani Taastrupimiittumi sulissapput.

Aviisi Sermitsiaq taama allaaserisaqarpoq.

Suliniummi Nunatsinni aqutsisoq Nivi Bark Hansen inuusuttunut angalaqataavoq, taassuma qaammatit pingasut qaangiutereerpata, ikiortarialinnut sullissivik Nuatsinni atuutilersitseqataaffigissavaa.

Arnartaq Løvstrøm aamma Maria Uitsatikitseq Grennessmindemi hiistinut ungalusamiittut.
Trine Juncher Jørgensen

Grennessmindemi kalaallinik siullerpaamik ilinniartoqarpoq. Kommuneqarfik Sermersuup aamma Grennessmindep isumaqatigiissuteqarnerisigut qulakkeerniarneqarpoq, Nunatsinni ikiortarialinnut sullissinerup imminut napatissinnaalernissaa, taamaalilluni Nunatsinni atorneqalerniassammat, kalaallinit isumagineqarluni aamma suliniutigineqareersut sammisassaqartitsinerillu pioreersut ilanngullugit. 

Maria Uitsatikitseq Tasiilameersoq
Trine Juncher Jørgensen

- Erseqqissassallugu pingaaruteqarpoq, pineqartoq tassaammat ikiortarialinnut suliniuteqarneq Kommuneqarfik Sermersuumit aallarnerneqartoq, kalaallinit suliniuteqartunit kalaallinillu inuussutissarsiortunit qallunaat immikkut ilisimasallit suleqatigalugit pilersinneqartoq. Taamaalilluni suliniutigineqartoq tassaanngilaq, pilersaarut Danmarkimit aallarnerneqartoq atuutilersinneqartorlu. Qallunaat suleqataasut uatsitut inissisimasut suliniutip aallarnisarneqarnerani pingaarutilimmik inissisimassaagut, kalaallilli taama suliaqartussat ilisimasassanik tuniorarneqareerpata misilittagaqalerlutillu taamalu ikiortarialinnik sullissineq ingerlassinnaalerpassuk, uagut tunuariartuaassaagut, Grennessmindemi pisortaq Hanne Danielsen oqarpoq, taassuma aningaasaateqarfiit arlallit oqaloqatigisaqattaarpai, ikiortarialinnut sullissinermi Nuummi allaffeqarfimmik pilersitsinissamut aamma Tasiilami ikiortarialinnut sullivimmik, illoqarfiup aggustimi akunnaalliliilluni nalliuttorsiornissaanut ammarneqartussatut pilersaarutigineqartumut aningaasassarsiorluni.          
Suliniut pillugu aviisimi Sermitsiami paasisaqarnerusinnaavutit, taanna uani ataani linki aqqutigalugu isissutissarsiffigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER