Inuusuttut politikerinut isummersuissapput
Aaja Chemnitz Larsenip inuusuttut tamaasa Issittumi najugallit Issittumi sianissutsikkut peqqissuunissamut pitsanngorsaanissamut isumassarsiassanik annissinissaannut qaaqquai. Siunnersuutit tiguneqartut oqartussanut toqqannaartumik apuunneqartassapput.
Issittumi inuusuttut sianissutsikkut peqqissuunissamut qanoq pitsanngorsaasoqarsinnaaneranik IA-p folketingimi ilaasortaatitaat Issittumilu Inatsisartuni siulittaasup isumassarsiaraa. Siunnersuutit tamaasa tiguneqartut Issittumi Inatsisartunit qaqinneqartassapput.
- Inuusuttut sianissutsikkut peqqissutsiminnut eqqummaarinnissaat politikkimullu tunngatillugu iliuusissanut ukkatarisassanullu katersinissaq ataatsimut anguneqarnissaat eqqarsaataavoq. Politikeriusugut inuusuttunit Issittumit tamanit taperserneqarnissarput pisariaqartipparput, taamaalilluta inuiaqatigiinni tarnikkut sianissutsikkullu ikiuinissarput ineriartortissinnaassagatsigu, Aaja Chemnitz Larsen (IA) oqarpoq.
Siunnersuutit decembarip pingajuanni tunniunneqassapput, tunniunneqartullu tamarmik tuluttut ingerlanneqassallutik. Atuarfiit suliamut peqataajumaartut Aajap neriuutigaa.
- Suliarisimasaq assigiinngitsutigut ilusilerneqarsinnaavoq: podcastitut, filmitut naatsukullaliatut imaluunniit allaaserinninnikkut, ass. essay-itut imaluunniit oqallissaarutitut iluseqarsinnaalluni. Inuusuttut tapiissutaat tunuliaqutigalugit Issittumi Politikerit Issittumi naalakkersuisunit siunnersuutitut suliarineqassapput kingornalu Issittumi naalakkersuisunut ingerlateqqinneqassallutik, Aaja Chemnitz Larsen oqarpoq.
Inuusuttunut periarfissaq annertooq
Issittumi inuusuttunut suliniut annertuumik periarfissiisinnaavoq. Inuusuttummi toqqaannartumik issittumi inuusuttoqatiminnut oqaaseqartartunngorsinnaapput.
- Iluarsartuullugu pilersaarusiap ineriartortinnissaanut kissaatinnut peqqutaavoq meeqqat inuusuttullu sianissutsikkut peqqissusaat ukkatarineqarnissaat pingaaruteqarmat. Taanna eqqaassanngikkaanni Issittumi inuusuttut peqataatinneqarnissaat pingaaruteqarpoq uagut politikerit suliatsinni pingaartitaat ilanngussinnaaniassagatsigit. Inuusuttut suleqatigiumagutsigit qanoq eqqarsartarnersut nunarsuarmullu avatangiisimiittumut paasinnittariaaseqarnersut paasisariaqarparput, Aaja Chemnitz Larseni oqarpoq naggasiillunilu:
- Politikerisut sulinermi innuttaasut tamaasa ilanngunnissai pingaaruteqartuuvoq. Taamaaliornermi inuusuttunik peqataatitsineq ajunngitsuuvoq, Issittumi sianissutsikkut peqqissusermut oqallinnermi tapiisinnaaneq aamma pingaaruteqarmat Issittumilu atuarfinni paasisaqarfigineqarnissaa pingaaruteqarluni. Inuusuttut nassiussaannik takunissara assorujussuaq qilanaarivara, poliitikeri oqarpoq.