Skip to main content

Inuusuttut nunami sakkutuujorusunnerupput - imarsiortutuunngitsoq

Inuusuttut ikittuinnaat sakkutuunut 2019-imi isumaqatigiissusiorsimapput, ikittuinnaallu Sakkutuut Umiartortut toqqarsimavaat.

DSinerissamik nakkutilliissummik kalaaliinnangajannik inuttaqartumik sinerissami kangerlunni ikerasannilu nakkutilliisumik takusalerallarnavianngilagut. Piffissamimi qaninnerusumi taama pisoqarnavianngilaq. Tassami kalaallit inuusuttut sakkutuunngorniarnissamik toqqaasut ikittuinnaat, Sakkutuuni Umiartortuni sakkutuunngorniarnerminnik ingerlatserusupput.

Kalaallinik inuusuttunik sakkutuunngorniartussanik ukiuni kingullerni marlunni pissarsiniartarnermut tunngasut kisitsisit, AG-p pissarsiarisimasaasa tamanna takutippaat. ‘Sakkutuut Ulluannik’ taallugit 2018-imi 2019-imilu aaqqissuussinerit sakkutuunngorniarluni ilinniarnissamut soqutiginninnerulersitsipput, amerlanerilli Sakkutuunut nunasiortunut qinnuteqartarlutik.

- Kalaallit inuusuttut Sakkutuuni nunasiortuniikkusunnerunerat uatsinnut tupaallannartuuvoq. Isumaqaraluaratta Sakkutuut Umiartortut pilerigineqarluassasut, kalaallimmi kulturianni imaatigut angalaneq attuumassuteqarluinnarmat, Illersornissamut ministeriaqarfimmi Sulisunut aqutsisoqarfimmi Sakkutuujusussaatitanut aamma sakkutuunngornialersussanut immikkoortortami fuldmægtigi, Janni Haagensen oqarpoq. Tassanngaanniit Sakkutuut Ulluannik Nunatsinni Danmarkimilu aaqqissuussinerit pilersaarusiorneqarlutillu piviusunngortinneqartarput.

Sisamaagaangata ataaseq umiartulertartoq

Kalaallit inuusuttut umiartorluni sakkutuunngorniarnermut taarsiullugu sooq nunami sakkutuunngorniarusunnerusarnersut, suli maannamut nassuiaatissarsineqanngilaq.

- Tamanna Kalaallit Nunaannut tunngasunik naammattunik suli paasinnissimannginnitsinnut uatsinnut takussutissiivoq, Janni Haagensen erseqqissaavoq.

Kalaallit inuusuttut 2018-imi 2019-imilu sakkutuunngorniarlutik aallartittut sisamaagaangata taamaallaat ataatsip Sakkutuut Imarsiortut toqqartarpai. 2018-imi 22-usunit arfinillit, 2019-imi 15-iusunit taamaallaat sisamat.

Ilanngutassiaq tamaat AG-mi atuaruk – ugguuna iserfigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER