Kujataa

Inuusuttut nunalerinermik suliaqarusuttut amerlatsikkiartuinnavissut

Upernaviarsummi nunalerinermik ilinniarfimmi ilinnialerumallutik inuusuttut soqutiginnittut amerliartorput. Kalaallit Nunaanni naatitat assigiinngitsut piumaneqarluartut tunitsivissaqarluartullu, nunalerinermik ilinniniarfimmi pisortaq isumaqarpoq

Qassiarsuk - assi toqqorsivimmit

Kujataani nuna naggorissoq naatitsivigiuminartorlu ukiorpassuarni soqutigineqarlunilu naatitsivigineqartuartoq, suli annertunerusumik soqutigineqaleriartorpoq.

Savaateqarnermik inuussutissarsiuteqartut nunalerinermik naatitsinermillu tapertaqarlutik ingerlataqartut amerliartorput, tamannalu kinguaariit kingulliit nunalerinermik annertusiartuinnarmik soqutiginnilernerannik inuussutissarsiuteqarusunnerannillu ilaatigut kinguneqarpoq.

Tamatumalu kingunerisaanik Upernaviarsummi nunalerinermik ilinniarfimmi naatitsivinni gartneritut ilinnialertartut amerliartornerannik kinguneqarpoq.

Upernaviarsummi nunalerinermik ilinniarfik Qaqortup eqqaaniittoq, 1975-imili pilersinneqartoq, issittumi naatitsinermut tunngasunik ilisimasanik assigiinngitsorpassuarnik katersiffiunikuuvoq. Naak ukiut kingulliit Kujataani ukiuusarnera sivisunerullunilu nillerulersimagaluartoq, inuusuttut naatitsinermut nunalerinermullu soqutiginninnerat minnerulinngilaq.

Allaaserineqartoq Tamanut Kujataanimi tamaat atuarneqarsinnaavoq. Kommune Kujallermi pisut allat aviisimi aamma atuarneqarsinnaapput. Aviisi akeqanngitsumik aajuk:

Powered by Labrador CMS