Skip to main content

Inuusuttut naalagiartaratillu kaffillertunukarneq ajortut

Kalaallit palmit sapaataanni naalagiaqatigiittarnerat kingornalu Aarhusip allaffiani kaffisoqatigiittarneq soqutigineerukkiartorpoq

Palmit sapaataanni Vor Frue Kirkemi kalaallit naalagiartinneqartarnerat kingornalu kaffillertarneq sapaatiummat 57-issaannik ingerlanneqareertorlu soqutigineerukkiartornera aaqqissuisut nalilerpaat.

Naalagiaqatigiinnermi kalaallit 60-it missaanniipput kaffillernerlu Aarhus Kommunianit aaqqissuunneqartoq 80-it missaanni peqataapput. Siornatigut 400-jut missaanni peqataasarsimangaluarput.

- Ajoraluartumik ukiuni arlalinngortuni taama pisoqarpoq. Ukioq mannali nuannaarutigaarput ukioq kingullermisut amerlatigimmata, Anette Jacobsen Aarhus Kommunimi borgmesterip allattoqarfianeersoq oqarpoq.

- Inuusuttut amingaatigineruvagut. Inuusuttut ullumikkut peqatigiiffilerinermik soqutigisaqannginnerulersimanerat pissutaangunarpoq, taanna isumaqarpoq.

Kinguariit nikeriartariaqartut

Dorthe Joelsen Qajaq-mi Aarhusimi kalaallit peqatigiiffiani siulittaasup tamanna isumaqataaffigaa:

- Peqatigiiffimmi kinguaariit nikinissaat amingaatigaarput, ilaasortagummi utoqqaliartuinnarput. Uagut ilaasortagut kisimik utoqqaliartunngillat, peqatigiiffinnimi allani aamma taama pisoqarpoq.

- Unammilligassaq annertuvoq, pimoorulluguli suleqatigiissutigisariaqarparput, Qajaq-mi siulittaasoq isumaqarpoq.

Kalaallinut qujaninarneq

Aarhusimi borgmester Jacob Bundsgaard (S) feriarnini pissutigalugu kaffillertoqarnerani peqataanngilaq. Hüseyin Arac-ilu Qaqortup Aarhusillu ikinngutigiit ataatsimiititaliaani siulittaasuusoq, peqataavoq.

Hüseyin Arac peqataasut ikinnerat pinnagu aaqqissuisuunini nuannaarutigaa, aaqqissuussinerlu Kalaallit Nunaata Aarhusillu pitsaasumik attaveqatigiinneranik uppernarsaatitut isigaa.

Taassuma jyllandimi illoqarfiit pingaarnersaanni 345.000-inik innuttaasulimmik assigiinngissutaartunik pissuseqarneq eqqartorpaa:

Ukioqqortussuseq, suiaassuseq, suminngaanneerneq, upperisarsiorneq politikkikkulluunniit isummertariaatsit apeqqutaatinnagit Aarhus illoqarfiussaaq pitsaasoq. Aarhus illoqarfiuvoq assigiinngissutaartumik isummersorfiusinnaasoq, politikeri oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER