Inuusuttut isumassarsillaqqinneqqusaatissapput
Nuuk Centeri sisamanngorpat unamminermut immikkuullarissumut sinaakkusiisuussaaq, tassani inuusuttut isumassarsillaqqinniuullutik unammissapput. Ajugaasut Danmarkimi assinganik unammisitsinermut peqataajartussapput.
Isumassarsilluarnermut kisimi tunnganngilaq. Aamma paasissutissiissutigineqassaaq, taamaalilluni isumassarsiaq sooq soqutiginartutut suliffeqarfittut inerneqarsinnaaneranik allat paasinnissinnaaniassammata.
Tamanna inuusuttorpassuarnut nutaaliornermik soqutigisaqartunut suliassaassaaq.
Inuussuttut meeqqat atuarfianeersut, inuusuttut atuarfiinit aamma qaffasinnerusumik ilinniarfimmeersut naliliisartunit saqqummiineri naliliiffigineqassapput, eqqugassaq pingaarneq tassaavoq Danmarkimut bilitsit pingasut, tassanilu inuusuttut allat Danmarkimeersut aamma Savalimmiuneersut nutaaliornermi aamma aallarnissaanermi unammineqassapput.
Aningaasanut inatsimmiilertoq
Aallarnisaasut unammisinneqartarnerat Fonden for Entreprenørskabip Kalaallit Nunaata nunatut aallarnisaaffittut nukittunerulernissaanut anguniagaanut ilaavoq. Anguniagaq aningaasaqarnermut inatsit aqqutigalugu taperserneqarpoq. Fonden for Entreprenørskab Kalaallit Nunaat 2019-imi 1,3 millionit koruuninik aningaasaliiffigineqarpoq.
Aallarnisaasunut unammisitsinerup saniatigut aningaasat ilaat ilinniartitsisut nutaaliornermut aallarnisaanermullu ilinniarteqqinnerannut atorneqassapput. Tamatuma kingorna pitsaasumik niuerfiliornermik atuartut minnernit Ph.d.-nut iatuartittassavaat. Atuartut isumassarsiamik ineriartortitsineq aamma niuernermik pilersaarusiorneq ilikkagaqarfigissavaat.
- Misissuinerit takutippaat nutaaliorluni aallarnisaaneq pillugu atuartut siusissukkut ilinniartinneqarsimagaangata – sunniutai malunnarnerusartut. Kalaallit Nunaat aallarnisaasoqarfiutikkusukkutsigut, taava taamaaliortariaqarpugut, Julie Rademacher, Fonden for Entreprenørskab Kalaallit Nunaata immikkoortortaqarfiani ingerlatsisoq oqarpoq .
Aningaasaliinermut atatillugu Fonden for Entreprenørskab aamma mikrolegatinut 100.000 koruuninik immikkoortitsivoq. Legatit inuusuttunut aallarnisaanermik ilinniartunut isumassarsiaminnik ingerlariaqqillutik alloriarniartunut aningaasanik atorfissaqartitsisunut agguaanneqartassapput. Legatit 25.000 koruunit aamma 50.000 koruunit akornanniipput.
Obamap suleqatigisimasaa
Naliliisartut sisamanngorpat peqataasut sorliit isumassarsilluarnerannik aalajangiissapput, aamma isiginnaariartunut aliikkutassaqarpoq. Nanookimi nipilersortartut marluk tusarnaartitsissapput. Daniel Karpantschof saqqummiitinneqarnissaa aamma iluatsinneqarsimavoq. Taanna amerikami præsidentiusimasup Barack Obamap aallarnisaanermut ilisimasalittaani ilaasimavoq.
Taassuma amerikami isumassarsiornermut aamma aallarnisaanermut misilittakkani oqaluttuarissavai.
Unammisitsineq nal. 10.00 aallartissaaq nal. 15.00 naammassissalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...