Skip to main content

Inuusuttut inuunerissut

Inuusuttut 5.000-t inuiaqatigiinnit sumiginnarneqarsimasut Sermitsiap sammivai

Inuiaqatigiinni inuusuttut 5.000-t missaanniittut atugarissaanngillat.

Ilinniagaqalersinnaanngillat atuarfitsialaap suliassani naammassisinnaanngimmagu, Piareersarfimmit ikiorneqarsinnaanngillat siunissaraqaratillu. Tamakkua angajoqqaaminnit inuiaqatigiinnillu sumiginnarneqarsimapput.

Tamanna tamakkununnga inuttut atugarliuutaasorujussuuvoq, inuiaqatigiinnut, inuusuttunik atorfissaqartitsisunut, alianartorujussuuvoq.

Periarfissaqanngillat ingerlatseriaatsimi inuiaqatigiinnik sullissinissamik tunngaveqanngitsumi, innuttaasulli imminnut isumaginissaannik naarsorsuutiginnittumi.

Inuusuttorpassuit ukioq manna ilinniakkaminnik naammassinnittut nalliuttorsiutigeqqammerpavut, kikkullu tamarmk inuiaqatigiit nersualaarpaat inuusuttut taama amerlatigisut ilinniagaqartalermata. Tamannali peqatigalugu amerlasuut puigorsimavaat inuusuttut taamatuttaaq amerlatigisut malinnaasinnaanngitsut, ilinniakkamillu ingerlatsinngisaannartunngorsimasut.

Tamanna inuiaqatigiinnut alianartorujussuuvoq, taamaattumik Sermitsiap aasaq manna tamanna samminiarpaa.

Sermitsiap sapaatip akunnerani matumani allaaserisaq sammisamik aallartitsissutaa allanneqarpoq Nanna Chemnitzimit, taassuma inuiaqatigiinni ajornartorsiummik tamatuminnga politikerit takutikkuminaatsissimallugit.

Aviisi pisiarisinnaavat uani.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER