Skip to main content

Inuusuttut Inatsisartui atortutigut ajutoornermit eqqugaasut

Atortulersuutitigut ajutoornerup inuusuttut upernaakkut ataatsimiinnissaannut peqataanissamut qinnuteqarsinnaajunnaartippai

Inuusuttut 18-it aamma 24-t akornanni ukiullit aappaagu februaarimi Inuusuttut Inatsisartuini ukiumoortumik ataatsimiissapput. Taakku ilaatigut oqallisigisassat annertuut oqaluuserissavaat, soorlu Nunatta tunngaviusumik inatsisitaarsinnaaneranik periarfissat.

Kisianni pisussat maanna ajornartorsiummi eqqorneqarput. Inatsisartut serverianni ajutoornerup kinguneraa, tallimanngormalli Inatsisartunut qinnuteqartoqarsinnaannginnera.

Appi ajoqutaasoq
Tamanna nittartakkakkut inu.gl-ikkut app-ikkullu inu.gl-ikkut qinnuteqaatinut atuuppoq.

Tassani uuminaqutigaa, appi atorlugu suli qinnuteqartoqarsinnaaneranik isikkoqarmat. Appi Applep AppStoreaniit Googlellu PlayStoreaniit aagaanni qinnuteqarnissamut immersugassaq immersorneqarsinnaavoq, taamaattorli nassiunneqarsinnaanani.

Inuusuttut qinnuteqaqqissapput
Atortulersuutit iluarsippata tallimanngormalli ualikkut qinnuteqartut qinnuteqaatitik nammineerlutik nassiuteqqittariaqassavaat. Ajornartorsiutilli iluarsineqarnissaannut taakku utaqqissapput.

Inatsisartut maanna qinnuteqarfissaq qaqugu iluarsissanersoq ilisimatitsissutigisinnaanngilaat, kisianni atortulersuutit ullut marlussuit ingerlaneranni iluarsineqarnissaat ingerlaqqilernissaallu tamaviaarullugu sulissutigineqartoq nalunaarutigaat.

Inuusuttut Inatsisartui februaarip 20-nit 24-anut 2017-imi ataatsimiissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER