Skip to main content

Inuusuttut ilinniariarsimasut qinersisikkuminaassinnaapput

Kommunini qineqqusaartut inuusuttunit ilinniariartorlutik nuussimasunit qinerneqarusukkuni, immikkut suliniuteqartariaqassagunartut, qinersisarnerit pillugit ilisimatusartoq naliliivoq.

Kommunini qineqqusaartut inuusuttunit ilinniariartorlutik kommunimut nuussimasunit qinerneqarusussagunik, unammillernartorujussuusinnaassaaq.

Qinersisarneq pillugu ilisimatusartoq, Kasper Møller Hansen oqarpoq.

Københavnip Universitetiani Institut for Statskundskabimi professoriuvoq.

- Kommunimi qineqqusaartut inuusuttunit ilinniariartorlutik nuussimasunit qinerneqarusukkunik immikkut suliniuteqartariaqassapput. Inuusuttut kommunimi najugarinikuusaminni qinerneqarsinnaasut ilisimasaqarfiginerusarpaat, kommunimilu nuuffigisaminni qineqqusaartut kikkuunerinik ilinniaqqaartussaassallutik, Kasper Møller Hansen Sermitsiaq.AG-mut oqarpoq.

Illoqarfiit ilinniariartoqqiffiusut ilaat tassaapput Nuuk, Qaqortoq aamma Sisimiut.

Kommunimut nuunneq unammillernarpoq

Inuusuttoq Inatsisartunut kommuninulluunniit qinersinermik misilittagaqarpianngitsoq kommunimut allamut nuukkuni, politikkimi qinerseriaatsimik misiliisimanini kommunimut angajoqqaami najugaqarfiannut "qimattarpai".

- Kommunimi najugarisimasami qinersiartussaguni angajoqqaani ilagisinnaavai. Kommunimili nutaami qinersiartornissaq nammineerluni, immaqa ikinngutini ilagalugit, isumagisussanngussavaa. Politikkimi sammisat pingaarutillit suunerinik qulakkeerinninnissamut piffissaq taamaasilluni sivisunngilaq, Kasper Møller Hansen oqarpoq.

Kina qinersisarnermik kingornussisarpa?

Inuusuttut qinersiartorusuttarnersut pillugit apeqqut aamma imaaliallaannaq akineqarsinnaanngilaq. Inuusuttup peroriartornermini qinersisarnermut isuma suna tusaasimaneraa apeqqutaalluinnarpoq. Angajoqqaat qinersisartuuppata, aamma inuusuttoq inersimasunngornermini qinersisalissasoq ilimanaateqarnerusarpoq.

- Tamat oqartussaanerannik atuutsitsinermut tunngavik eqqarsaatigissagaanni angajoqqaat iliuusaat pingaaruteqartorujussuupput. Pingaartumik anaanaasoq apeqqutaasorujussuuvoq, qaninnerusarmat meeqqaminut. Angajoqqaat qinersiartorlutik meeqqaminnik ingiaqateqartarpata aamma, meeraasup inuusuttunngornermini qinerseriaaseq aamma attatiinnassagaa ilimanaateqarnerusarpoq, Kasper Møller Hansen nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER