Inuusuttut ilinniagaqartut amerlanerulersut
Kalaallit Nunaanni aningaasarsiornikkut pitsaasumik ineriartorneq takusinnaavarput, mianersorfigisassanilli peqarpoq – minnerunngitsumik ilinniagaqassutsip qaffasissusianut aamma sulisussarsiortarnermut tunngasuni, Aningaasaqarnermut Siunnersuisoqatigiit siulittaasuat oqarpoq.
– Kalaallit Nunaat pinngortitameersunik isumalluuteqarpoq; aalisakkat, pinngortitaq kusanartorsuaq takornarianut piukkunnartoq aamma saffiugassat. Pissutsilli tamakku aningaasarsiornikkut imminut napatilernissamut qulakkeerinnittuunngillat. Isumalluutinik qanoq aqutsinissaq pineqarpoq. Naak isumalluutit pinngortitameersut pisuussutitut pingaaruteqaraluartut, pisuussutit inunneersut – tassa inuiaat taakkulu ilisimasaat misilittagaallu aningaasarsiornikkut ineriartornissamut pingaarnertut aqqutissiuisussaapput, aningaasarsiornermut siunnersuisoqatigiit siulittaasuat Torben M. Andersen oqarpoq, taanna ataatsimeersuarnermi Future Greenlandimi Katuami pisumi sapaatip akunnerani kingullermi peqataavoq.
Aviisi Sermitsiaq taama allappoq.
Sulisinnaassuseq appasissumiittoq
Ilungersunartut annersaat suli tassaavoq, ilinniarsimassutsip appasippallaarnera. Taamaallaat 50 procentit missaat meeqqat atuarfiannit ingerlaqqillutik ilinniagaqarsimapput. Tamannalu sulisinnaasut amerlassusaanni takuneqarsinnaavoq.
– Piukkunnaatillit ingerlaannartumik suliffittaarsinnaapput, amerlaqisulli piginnaasassatut piumasaqaatinik piginnaaneqannginnertik patsisigalugu suliffittaarsinnaanatik. Sulisinnaasunit sulisorineqartut taamaallaat 70 procentiupput, tamatumalu paasinarsisippaa amerlaqisut sulisartoqarnerup avataani inissisimasut.
- Tamanna ukiut tamaasa pitsanngoriaateqarfiusarpoq, piffissamilli atuiffiusarluni. Missingersuutigineqartut 2040-moortut qiviarutsigik, meeqqat atuarfiannit ilinniagaqarlutik ingerlariaqqissimanngitsut massakkut 50 procentiusut immaqa 40 procentinut ikileriarsimassapput, taamaalilluni pitsanngoriaateqassaaq, immaqali ukiuni kingullerni 10-12-ini ilinniartitaanermut politikimi naatsorsuutigineqaraluartunit ikinnerullutik.
Innuttaasut inissisimanerisa kingunerinik sulisinnaasut ukiuni tulliuttuni ikileriartussaapput, sulisussanillu amigaateqarneq Torben Andersenip oqaatigaa tassaassasoq aningaasarsiornikkut siuariartornissamut annerpaamik ersarinnerpaamillu akornutaasussaq.
Aviisimi Sermitsiami atuarnerusinnaavutit. Aviisi uani pissarsiariuk:
