Skip to main content

Inuusuttut Ataqatigiit: Politikkimi suleqatigiittoqarli

Inuusuttut Ataqatigiit isumaqarput piffissaq kingulleq nunatsinni politikkikkut pissutsit akuersaarneqarsinnaanngitsut. Piffissanngorpoq nunatsinni politikkimik suliallit suleqatigiinnerulernissaat, Inuusuttut Ataqatigiit oqarput

- Piffissanngorpoq Naalakkersuisut Inatsisartunilu partiit tamarmik siunnerfeqaqatigiillutik suleqatigiilernissaat. Innuttaasunummi takutittariaqalerpaat nunarput sumut ingerlanniarnerlugu. Siunissarpununa qanoq isikkoqarniartoq? Qanoq ililluta inuusuttut suliffissaaleqisorpassuit aaqqiivigissavagut? Atugarissaarneq qanoq ililluta attatiinnassavarput? Innuttaasut atukkatigut naligiinnginnerujussuat qanoq ililluta akiorniarparput? Ila unammilligassagut amerlaqaat aaqqiiviginiarutsigillu pisussaaffigaarput ataatsimoorluta suleqatigiillutalu aaqqivigissallugit.

Inuusuttut Ataqatigiinni siulittaasoq Múte Bourup Egede tusagassiutinut nalunaarummi oqarpoq. 

- Siunissarput akisussaaffigaarput. Tamannalu isumaqarpoq tamatta akisussaaffigigipput kinguaariit tulliit ullumikkumiit ajornerunngitsumik atugassaqartissallugit. Ataatsimoorluta akisussaaffigaarput nunarput inuuffigiuminartoq, naapertuilluarnermik, nammaqatigiinnermik ammasumillu ingerlatsiviusoq kinguaariinnut tullernut ingerlateqqissallugu, Múte Bourup Egede oqarpoq. 

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER