Skip to main content

Inuusuttut assammik arsaannerat: Kuultit tamarmik Sisimiormiunit pissarsiarineqarput

2000-2002 akornanni inunngorsimasut assammik arsaallutik Ilulissani pissartanngorniunneranni pissartanngorniutivinnerit marluk pissanganartumik ingerlanneqarsimapput

Arnani GSS aamma SAK unammineranni unamminerup naggatissaa tikillugu pissaganartorsiorfiusimavoq.

Kalaallit Nunaanni Assammik Artsaattartut Kattuffianeersoq Boas Møller tusagassiutinut nalunaarummi taama allappoq.

Pissartanngorniutivinnermi unammineq tamaat SAK siuaqqasimavoq taamaakkaluartoq GSS angummateqqaannavissimapput.

- SAK-p paasinarluinnartumik GSS-minngaanneersoq Nivi J. Petersen unammineq tamakkingajallugu immikkut paarsisulertissimavaa. Nivimi pissartanngorniutivinnermi unammilluaqattaarsimanera pissutigalugu taamaaliortariaqarsimapput, Boas Møller allappoq.

Unamminerup immikkoortua siulleq naammassimmat SAK 12-11-mik siuaqqasimavoq.

SAK kuultinnattoq

Kalaallit Nunaanni Assammik Arsaattartut Kattuffia naapertorlugu unammineq naligiiffiusimavoq. Nivi J. Petersen GSS-minngaanneersoq paarineqarluarpoq unammisullu pisinnaasartik tamaat takutitsilluarniarsimallutik.

Arnat pissartanngorniutivinneranni SAK  26-24-mik ajugaavoq.

Pingajuattut inissinniunnermi NÛK aamma Norsaq HC unammipput. Tassani NÛK qularutissaanngitsumik 49-14-mik ajungaavoq.

Angutit pissartanngorniutivinnerat

Angutit unamminerat aamma pissaganartumik ingerlanneqarsimavoq. Isiginnaariat najukkaminni unammisaqattaartut N-48 S-68-mut unammineranni illersorsimavaat. Najukkaminnilu unammisut aallartilluarsimapput.

- Arriikkaluamilli kisianni qularnaatsumik S-68 unamminermi siuariartulersimavoq, Boas Møller allappoq.

Unamminerup immikkoortua siulleq naammassimmat N-48 16-14-mik siuaqqasimavoq. Pissartanngorniutivinnermilu unamminerup naammassinerani S-68 32-30-mik ajugaavoq.

Bronzennanniunnermi GSS aamma Norsaq unammipput tassani GSS 50-33-mik ajugaavoq.

Arnat assammik arsaallutik pissartanngorniunneranni inissinnerit:

  • SAK          
  • GSS
  • NÛK
  • Norsaq HC

Angutit assammik arsaallutik pissartanngorniunneranni inissinnerit:

  • S-68
  • N-48
  • GSS
  • Norsaq HC
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER