Skip to main content

Inuusuttut angut niaquatigut tukkaraat

Angutit inuusuttut arfineq-pingasut ernumanartumik, tillinniarnermut peqqarniitsumillu nakuusernermut unnerluutigineqarput. Pisuutinneqarunik inunnit isumaginnittoqarfimmit nakkutigineqartussanngussapput.

Allattorsimaffik takivoq: Tillinniarneq. Ikuallatsitsineq. Sioorasaarineq. Pisortat oqartussaatitaannik narrunarsaaneq. Qamummik motorilimmik akuerineqarani atueriarneq. Tillinniariarneq. Nakuuserneq. Pisiniarfimmut tillinniariarneq.

Aviisi AG taama allappoq.

Inuusuttut arfineq-pingasut Paamiuni pisunut 18-inut piffissami siorna marsimit ukioq manna apriilimut pinerluutigineqartunut unnerluutigineqarput, tamanna allakkami unnerluussummi AG-p misissugaani takutinneqarpoq.

Uani sapaatip-akunnerani pingasunngornermi unnerluunneqartut illersuisulerlutik Eqqartuussiveqarfik Sermersuumi eqqartuussaassapput, tamanna Hotel Paamiuni pissaaq.

Tillinniarnerit Paamiut atuarfianut, Atuareernerup kingorna ornittakkamut, E&P Kioskimut kiisalu 1-2-3 Kioskimut illunullu pivoq.

Arfineq-pingasuusunit pingasut aamma nakuusersimasutut unnerluunneqarput.

Unnerluussut naapertorlugu pinerluffigineqartoq Paamiuni aalisakkeriviup eqqaanut umiarsualiviliartissimavaat. Takkummat unnerluutigineqartut niaquata tunuatigut tillunneqarpoq, tamatumalu kingorna pinerluffigineqartoq niaquatigut timaatigullu tilluarlugulu tukkarpaat ajoquserlugu.

Pinerluffigineqartup oqarasuaataa saassunneqarnermini aamma aserorpoq.

Inuusuttut marluk allamik nakuusernermik unnerluutigineqarput, taakku inummut siniffimmiittumut nakuusersimapput. Unnerluutigineqartut marluk pinerluffigineqartoq niaquatigut tilluarlugulu tukkarpaat, unnerluutigineqartullu pingajuat pisumik videoliorsimavoq. Piffissami pinerluffigineqartoq ilisimajunnaarpoq, tamatumalu kingorna unnerluutigineqartut uffarfiliaappaat imermillu nillertumik serpartarlugu, tassanilu kiinnamigut talimilu talerperliup ataatigut arlalinnik ajoquserpoq.

Suliaq pillugu aviisimi AG-mi atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER