ilinniartitaaneq
Inuusuttut amerlanerit ilinniaqittalissapput
Naalakkersuisut siunertaraat inuusuttuaqqat tamarmik ingerlariaqqiffiusumik ilinniarnissamut periarfissinneqassasut, taamaalillutik inuusuttut ingerlariaqqinngitsoortartut malunnaatilimmik ikileriarniassammata
Meeqqat inuusuttullu meeqqat atuarfiannik naammassinnereersimallutik unittooratik ilinniakkamik ingerlatseqqissinnaanissaannut suliniummi alloriartoqarpoq.
Ilinniartitaanernik aaqqissuusseqqinnissaq Naalakkersuisunit akuerineqarpoq, maannalu “Ilinniartitaaneq ataqatigiissoq eqaatsorlu” anguniarlugu suliniarnermi suleqatigiisitaq suligasuartussaq pilersinneqarsinnaanngorpoq, Namminersorlutik Oqartussat tusagassiuutinut nalunaarummi allapput.
Naalakkersuisunut innersuussuteqarneq
Taamaalilluni “Ilinniartitaaneq ataqatigiissoq eqaatsorlu” anguniarlugu suliniarnermi suleqatigiisitaq suligasuartussaq pilersinneqarsinnaanngorpoq.
- Suleqatigiisitaq suligasuartussaq aasaq 2019-imi suleriaqqinnissamut innersuussutini naammassisaq Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmut tunniutissavaa, Namminersorlutik Oqartussat paasissutissiipput.
Nunaqarfinni atuartitsinerit
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq, Doris J. Jensenip (S), ilinniartitaanernik ataqatigiissumik eqaatsumillu aaqqissuusseqqinnissimik Naalakkersuisut kissaataat maanna aallartimmat, nuannaarutigaa.
- Naalakkersuisut kissaatigigaat atuartut nunaqarfinneersut 8. Klassip tungaanut nunaqarfimminniiginnarsinnaalernissaat, taassumalu kingorna illoqarfimmi nunaqarfimmiut allat peqatigalugit, klassini aatsaat aallartittuni atuartalersinnaanissaat, taanna oqarpoq.
Ilinniakkamik naammassinnittartut amerlanerulissapput
“Ilinniartitaaneq ataqatigiissoq eqaatsorlu” anguniarlugu sulinerup siunertaraa, inuusuttut ilinniaqqiffimminnik naammassinnittartut amerlanerulernissaat.
- Ilinniarnertuunngorniarfik kiisalu inuussutissarsiuummik ilinniakkat eqqarsaatigalugit. Naalakkersuisut siunertaraat inuusuttuaqqat tamarmik ingerlariaqqiffiusumik ilinniarnissamut periarfissinneqassasut, taamaalillutik inuusuttut ingerlariaqqinngitsoortartut malunnaatilimmik ikileriarniassammata, tusagassiuutinut nalunaarummi oqaatigineqarpoq.
Taamaasilluni ilinniagaq ataqatigiissoq eqaatsorlu ilinniarnertuunngorniarnissamut kiisalu inuussutissarsiuummik ilinniarnissamut pisariinnerusumik ingerlariaqqiffiussooq, 1.-12. Klassinilu ajornannginnerusumik ikaarsaariarfiusinnaalluni.
Dermed skal et sammenhængende og fleksibelt uddannelsessystem skal skabe flere indgange til gymnasie- og erhvervsuddannelsesvejen og samtidig skabe glidende overgange mellem 1.-12. skoleår.