Skip to main content

Inuusuttut 2 centimeterinik anginerulersarput

Qasigianngiani efterskolemi inuusuttuaqqat qimussernermik, aalisarnermik, mersornermik, videoliornermik, nipilersornermik, eqqumiitsuliornermik assiliinermillu ilinniartinneqartarput. Inuttut ineriartorneq pingaarnerpaavoq. Ingammik ilinniarfimmi nunaqarfinneersuullutillu isorliunerusuneersuupput.

Qissattoqarpoq. Nilliasoqarpoq. Illartoqarpoq. Eqitaarisoqarpoq.

Naatsumik oqaatigalugu: Efterskolemi naammassinermi misigissuserpassuupput. Sapaatit akunnerani kingullerni naggataarnersiornermi Qasigiannguani Villads Villadsenip efterskoliani ilinniartut ikinngutit ilinniartitsisullu inuulluaqquniarnissaat ajornakusoortippaat. Aviisi AG taama allappoq. 

Ilinniartut 45-t efterskolep namminerisaminik erinarsuutaa ilinniarfiup sungaartup qaliaa qangattartingajallugu atormassuk ilinniartut amerlanersaat qissapput. Ataasiakkaat qullililaarput. Allat uluaat masattuinnaapput ukiumi atuarfimmi nuannersumi inuulluaqqusisussanngoramik. Allaat ilinniarfiup pisortaa Rakel Sandgren qulliliorpoq. Inuulluaqqusineq ajornaatsuinnaanngilaq. Tamanna efterskolersimasut tamarmik nalunngilaat.

Ullormili nalliuttorsiorfimmi amerlanerit nuannaaqqilerput. Arlalissuit ilaquttamik takoqqinnissaat qilanaaraat, inuusuttummi ilaasa ukiumi ataasersuarmi takusimanngilaat. Efterskolemi atuartut Kalaallit Nunaanni tamarmeersuupput. Amerlasuut avannaani nunaqarfimmeersuupput.

Ilinniarfiup pisortaata tullia Kârale Filemonsen oqaluttuarpoq, nunaqarfinniit inuusuttut arlalitsigut ilinniarfiup qimuttui nuannarisaraat. Taava angerlarsimanerusutut misigisarput. Nunaqarfimmiit illoqarfimmut nuunneq taava sallaannerusarpoq.

Ilinniartitsisoq 37-nik ukiulik nammineq Ikerasammeersuuvoq. Nunaqarfinniit isorliunerusuniillu inuusuttunut Villads Villadsenip Efterskoleia ilinniaqqinnissamut alloriarfiusinnaavoq. Kalaallit Nunaanni illoqarfinnut anginernut aallarnissaminnut sapiinnerulersarput. Immaqalu nunanut allanut.

Allaaserisaq tamaat uani AG-mi atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER