Skip to main content

Inuusuttunut kulturip illua nutaaq inoorusunnermik akiuussinnaanerunermillu pilersitsissaaq

Tasiilami inuusutunut kulturip illua nutaaq atuutsinneqalersimavoq.

Tupilliornernik, qittannernik, kalaallit atisaannik mersornernik aamma nammineq pigisassanik qaanniornernik ilaqartut Tasiilami inuusuttunut kulturip illuata nutaap aamma nutaaliaasup inuusuttunut ilaatigut siunissami neqeroorutigisalissavai.

- Illup meeqqat inuusuttullu akornanni inoorusunneruneq akiuussinnaanerunerlu pilersissavai, Kommuneqarfik Sermersuumit, Danmarkimi aningaasaateqarfiit pingasut peqatigalugit inuusuttunut kulturip illussaanut aningaasaliissuteqarlunilu aamma 2015-imili suliniummik suliaqarsimasumit oqaatigineqarpoq.

Aningaasaateqarfiit aningaasaliissuteqartut

Kommuneqarfik Sermersooq peqatigalugu Lokale og Anlægsfonden, 15. Juni Fonden aamma Kraemers Grønlandsfond suliniummik pilersitseqataapput.

Bikubenfondenimit tapersersugaasoq, inooqatigiiffimmi-kultureqarnermi suliniut ’Fremtiden tilhører os – Siunissaq uagut pigaarput’, inuusuttut taakku peqatigalugit illumut isumassarsiarisanik saqqummiussaqarsimasoq suleqatigalugu.

Pissarsiffik: Kommuneqarfik Sermersooq

Inuusuttunut kulturip illua pingaartumik 16-30-inik ukiulinnut atugassiaavoq, kommunilu naapertorlugu inuusuttut kulturip illua ’Igdlo’-mik atsersimavaat.

- Maani illoqarfimmi eqqasuuteqarluta inuusuttutut inuusuugut ajoraluartumik amerlavugut, aamma misigisanik oqimaatsunik nammataqarpugut. Nammineq sumiiffigisinnaasatsinnik peqarusuppugut – imigassartorfiunngitsoq nipilersornissamut pinngorartitsiffiusinnaasumillu, aamma piumagaangatta ataatsimoorfigisinnaasatsinnik, kulturip illuanik atuisartoq ataaseq kommunip nittartagaatigut oqaluttuarpoq.

Aamma Kommuneqarfik Sermersuumi suliassaqarfimmut pisortaq Hjørdis Viberg inuusuttunut kulturip illua nutaaq pillugu nuannaarpoq:

- Sunniuteqarluartussaasoq

- Illu kommunip isumaginninnermut suliniutaanut taperseeqataavoq, inuusuttunut inooqatigiinni tamaneersunut aamma sinaakkusiilluassaaq. Inuiaqatigiit pilersikkusutavut tassaapput sunngiffimmi sammisaqartitsinermi innuttaasuni inooqutigiinniit tamanit peqataatitsut. Anigaasaateqarfiit aningaasaliinerannut assut qujamasuppugut, taakku Tasiilap siunissaanut assut sunniuteqarluartussaapput, taanna oqarpoq.

Jakob Færch, Lokale og Anlægsfondenimi ineriartortitsinermut siunnersorti oqarpoq, inuusuttunut kulturip illua toqqissisimalluni orniguffiusinnaallunilu sunngiffimmi pisuni inooqatigiiffimmilu ataatsimoorfiusinnaassasoq.

- Navianartumi inissisimaffeqartunut sunngiffimmi inuuneq malunnartumik assigiinngissuteqarfiusinnaanera nalunngilarput, tamannalu Kalaallit Nunaanni pisariaqartinneqarpoq. Inuusuttut pilersitseqataasunngortinnerisigut illumik toqqissisimanarlunilu isumalimmik, takorluugaannik aamma inuunerminni angorusutaannik nukittorsaasinnaasumik, aammalu avatangiisini nuannerlutillu eqqissisimanartuni kulturikkut suliarisassanut nutaanut piumassusermik tunniussisinnaasumik pilersitsivugut, taanna oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER