atornerluineq
Inuusuttunut katsorsaariaaseq eqqunneqalersoq
Inuusuttut hashimik, imigassamik aamma aanngajaarniutinik allanik atornerluiunnaartinniarlugit, Københavnimi katsorsaariaaseq U-turn ineriartortinneqarsimavoq. Katsorsaariaaseq aappaagu Nunatsinni illoqarfinni sisamani aallartinneqassaaq
Nutartigaq. Allaaserisami siullermi Københavnimi periuseq tiguneqassasoq allaqqagaluarpoq
Københavnip ukiuni arlalinni periuseq U-turn sulinermi atorsimavaa.
Inuusuttut ingammik imigassamik aamma hashimik atuinerannit aniguisinnissaat siunertaavoq. Periuseq maanna Kalaallit Nunaannut eqqunneqalerpoq.
- Qujanartumik pitsaasunik angusaqarpugut, inuusuttut naligalugit naapittarnerat iluatsinneranut pissutaasut ilgaat, Københavnimi isumaginninnermut borgmesteri, Jesper Christensen (S) oqarpoq.
Atuaruk: Suleqatit imigassarsunnippa?
Ataasiakkaarnerit
Københavns Kommune naapertorlugu inuusuttut 70 procentiisa katsorsartereernerup kingorna aanngajaarniutinik atuinertik unitsissimavaat imaluunniit annikillisimavaat. Inuusuttut kinaassutsiminnik isertuussillutik U-turnimut saaffiginnissinnaapput, namminermullu tulluartumik pilersaarummik pilersaarusiuutsissinnaapput.
Atuaruk: Naartusut pinngitsaalillugit aalakoornaveersaartinneqartalissapput
Tulluarsagaq
Københavnimiut periusiat Kalaallit Nunaannut nuuginnarneqassanngilaq. Illuanilli nammineq periusissamik, najukkamut tulluartunik aaqqissuussisoqassaaq-
Atuaruk: Nuummi inuusuttut unnuami ornittagaqalerput
Katsorsaaviit
Katsorsaavik siulleq ukioq manna Qaqortumi ammarneqassaaq. Nuummi Sisimiunilu aappaagu ammartoqassaaq, ukiullu tullissaani Ilulissani. Taakkununnga sisamanut inuusuttunut katsorsaanermik aallartitsisoqassaaq.