Inuusuttunut aallarnisaasunut nersualaarinninneq
Nuummi nukappiaqqanut aallarnisaanermik suliniut inuusuttut nammineq piginnaasaannik upperinnilersitsisarpoq – kalaallinillu aallarnisaasunik nutaanik pilersitsisarluni.
Arfininngornermi juunip 12-anni nukappiaqqat eqimattat Nuummeersut allagartamik nersornaaserneqarput. Mind Your Own Businessip ineriartortitsineranut aallarnisaanermik ukkatarinnittumik naammassinninnerisa kingorna tamanna pivoq, aviisi Sermitsiaq allappoq.
Qaammatini arfineq-pingasuni nukappissat nammineq suliffeqarfeeqqaminnik ineriartortitsillutillu piviusunngortitsipput.
Tujuuluit arsaannerlu
Suleqatigiit siulliit suliffeqarfeeqqamik 7ly High tujuulunnik nasartalinnik pinngortitami pissuteqatigiinnermut akornutaanngitsunik tunisassiorlutillu ineriartortitsipput, taakkulu Nuummi aqqusinermi tuniniarpaat. Suleqatigiillu aappaat suliffeqarfeeqqamik Erinarsartamik maajip 15-anni Nuummi Timersortarfimmi arsaannermik aaqqissuussipput.
Arfininngornermi Grønlandsbankenip kantiinaani inaarneqarnerani, soorunami ”Business Awards”-imik taaneqartumi, inuusuttut aallarnisaasut suliffeqarfimmut isumassarsiatik naliliisartunut Inooraq Brandtimut, ingeniørit suliffeqarfianni WSP Arctic A/S-imi pisortamut, Anne Nivíka Grødemimut, Business Development Manager, Sermersooq Business, aamma David Røgildsimut, assiliartalersuisartoq aamma suliffeqarfik atisaliortartumi Bibi Chemnitzimi piginneqataasumut saqqummiussipput.
Allaaserisaq tamaat uani Sermitsiami atuaruk: