Inuusuttuaqqat tallimanngorpat akiuussutissamik kapitissapput
Nuummi inuusuttuaqqat 16-inik aamma 17-inik ukiullit Pfizerimik akiuussutissalertillutik kapitinnissamut neqeroorfigineqassapput. Kommuneqarfik Sermersooq Facebookimini taama nalunaaruteqarpoq.
16-inik imaluunniit 17-inik ukioqaruit Nuummilu najugaqarlutit, taava tallimanngorpat 23. juli akiuussutissamik kapitinnissamut neqeroorfigineqarputit.
Kommuneqarfik Sermersooq Facebookimini taama nalunaaruteqarpoq.
Coronavirusimut akiuussutissaq Pfizer, inuussuttunut 18-it ataallugit ukiulinnut atorsinnaasutut akuerisaq, nunatsinni inuusuttuaqqanut kapuutigineqassaaq.
Nuummi akiuussutissalertinnissamut neqeroorfigineqartut piffissamik inniminneeqqaaratik isiinnarsinnaasut ilisimatitsissutigineqarpoq.
- Inuusuttut 16-17-inik ukiullit tamarmik akiuussuserneqarsinnaapput, kapitikkiartornermi piffissamik inniminneeqqaartariaqanngilaq. Tamanna tallimanngorpat juulip 23-ani nal. 14.00-miit 17.00 tungaanut USK-imi pissaaq, Kommuneqarfik Sermersooq Facebookimini allappoq.
Akiuussutissalertinnermut uppernarsaat
Naalakkersuisut ataasinngornermi 19. juli tusagassiortunik katersortitsinerminni ilisimatitsipput inuit katersuuttarfiinut assigisaanullu peqataassagaanni akiuussutissalertissimanermut uppernarsaammik peqartoqartarsinnaanera misissorneqartoq.
- Caféerniaraanni, timigissariarniaraanni, filmeriarniaraanni assigisaanillu sammisaqarniaraanni kapitissimanissaq piumasaqaatinngoriaannaavoq, kommuni ilisimatitsivoq.
Piffissamik inniminniisimanani akiuussutissalertikkiartortut qanermut assiaquteqassapput tunillatsinnissaq pinaveersaartinniarlugu.
Kommunini tallimaasuni illoqarfiit annerni inuusuttut 16-inik aamma 17-inik ukiullit akiuussutissamik kapineqarnissaannut maanna pilersaarusiortoqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...