Inuusuttuaqqat assammik arsarlutik pissartanngorniutivinneranni naligiinngitsorujussuit

Angutit inuusuttuaqqat ulluni makkunani Paamiuni assammik arsaallutik pissartanngorniutivipput.

Pissartanngorniutivinnerit Paamiuni ingerlanneqarput, pissartanngorniutiivinnermilu holdit tallimat peqataapput.

Sisamanngornermi unamminerit marluk ingerlanneqarput.

Unamminermi siullermi GSS Kagssassummut ajugaarujussuarpoq. Nuumminngaanneersut immikkoortup siulliup naammassinerani 17-3-mik siuaqqapput, unamminerlu naammassimmat Nuummiut 40-11-mik ajugaapput målit nikigassutaat 29-iulluni.

Atuaruk: Paamiuni inuusuttuaqqat assammik arsaallutik pissartanngorniutivittut

Unamminerup aappaani aamma pissaganartoqarpallaarsimanngilaq. Unamminermi immikkoortup siulliup naammassinerani S-68 Sisimiuninngaanneersut Nagtoralimmut 11-9-nginnarmik siuaqqasimangaluarlutik. Unammineq naammassimmat Sisimiuninngaanneersut 37-15-mik ajugaarujussuarput.

Tallimanngornermi unamminissat

14.00: S-68 - Norsaq HC
15.30: Nagtoralik - GSS

Holdit angusarissaarnerpaat marluk sapaatiuppat pissartanngorniutivitsinneqassapput.