Skip to main content

Inuussutissarsiutigalugu piniartut utoqqaaneruleriartortut

Inuussutissarsiutigalugu piniartut amerlassusaat allanngujaatsuuvoq, piniartulli ukiui agguaqatigiissikkaanni piniartut ukioqqortusiartorput.

Kalaallit Nunaanni Naatsorsueqqissaartarfiup kisitsisaataasa kingulliit takutippaat, inuussutissarsiutigalugu piniartut ukiui agguaqatigiissikkaanni piniartut utoqqaaneruleriartortut.

2000-ikkut aallartinneranni inuit inuussutissarsiutigalugu piniartutut allagartallit agguaqatigiissillugit 40-nik ukioqartarput. 2019-imi agguaqatigiissillugit 46-nik ukioqartalersimapput.

Ukiuni qulikkuutaani kingullerni kisitsisit misissuataaneranni takuneqarsinnaavoq, inuusuttut piniartutut inuussutissarsiuteqartut ikiliartoraluartut, taakku tassaanngitsut piniartutut inuuneqarusuttuunngitsut.

2010-mi inuit 30-t inorlugit ukiullit 372-it inuussutissarsiutigalugu piniartutut allagartaqarput.  2019-imi 334-nngorsimallutik. Tassa 10 procentimik ikileriarsimapput.

Amerlassusaat aalaakkaasut

Akerlianik inuussutissarsiutigalugu piniartu 40-t 49-llu akornanni ukiullit 40 procentimik ikileriangaatsiarsimapput, tassa piffissami pineqartumi 634-sinnarlutik 378-inngorsimagamik.

Inuussutissarsiutigaluguli piniartut amerlassuaat ukiunit qulikkaani kingullerni 2.000-it missaanniittarlutik aalaakkaasimapput. Inuussutissarsiutitut allagartat affaasa missaanniittut Avannaata Kommuniani tunniunneqarsimapput. 

Sunngiffimminni pinialuttartut agguqatigiissillugit ukiui aamma inuussutissarsiutigalugu piniartutut qaffakkiartorput. Sunngiffiminnili pinialuttartut agguaqatigiissillugit ukiui 2016-imili 46-t inulaarlugit appariangaatsiarsimapput.

Sunngiffimminni pinialuttartut amerlassusaat ukiut marluk kingulliit ingerlaneranni 5.000-it missaanniittarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER