ataatsimiititaliaq

Inuussutissarsiutigalugu aalisarnermut akuersissutit suliarinerannut tatiginninnginneq

Inatsisartut Aalisarnermut Ataatsimiititaliaata Naalakkersuisut isornartorsiorpaat

Aalisarnermut Ataatsimiititaliami siulittaasoq, Nikolaj Jeremiassen

Inuussutissarsiutigalugu aalisarnermut akuersissutit piniarnermullu allagartat tunniunneqartarneranni suleriaatsimut Naalakkersuisut tatiginnilersitseqqittariaqarput.

Inatsisartuni Aalisarnermut Ataatsimiititaliami amerlanerussuteqartut taama isumaqarput, ataatsimiititaliami siulittaasoq, Nikolaj Jeremiassen (S), ilaasortat sinnerlugit ullumi tusagassiorfinnut nalunaarummi taama allappoq.

Sooruna aalisartut itigartinneqartartut?
- Aalisarnermut akuersissutit piniarnermullu allagartat tunniunneqartarnerat pillugu piffissami kingullermi oqallinnermut atatillugu Aalisarnermut, Piniarnermut Nunalerinermullu Ataatsimiititaliamit oqaatigineqassaaq, tassunga ilanngullugu aalisartut piniartullu ataatsimiititaliamut ilaasortanut toqqaannartumik saaffiginnittut ernummassuteqarluni tusarnaarneqarput, Jeremiassen allappoq.

- Qinnuteqartut amerlasuut oqaatigaat, qinnuteqaatiminnut itigartitsissutigineqartup tunuliaqutaa paasisinnaanagu.

Atuaruk: Avaleraasartuunik suliaq qulequttanik pilersitsisoq

Ataatsimiititaliap ajornartorsiut sisamanngormat ataatsimiinnermini oqaluuseraa, tamannalu attanneqarsinnaanngitsutut ataatsimiititaliamit isigineqarpoq.

Ukiut apeqqutaatillugit itigartinneqartut
Politikerit saaffiginnissut ataaseq ingammik tupaallaatigisimavaat.

Tassami aalisartoq ataaseq ukiuni peqqutigalugit itigartinneqarsimavoq. Politikerillu tupigusuutigaat, sooq Inatsisartuni ilaasortat piniarnermut allagartatik qinikkatut sulileraangamik paariinnarsinnaaneraat.

Politikerit aalisaannarput
- Ajornartorsiutip iluarsiiviginissaanut sapinngisamik piaartumik iliuuseqaqqullugit, tassunga ilanngullugu qinnuteqartut ukiutik pissutigalugit itigartinneqartarsimasut pillugit oqalunneq ilumoornersoq misissoqqullugu Naalakkersuisut ataatsimiititaliamit kaammattorneqarput.

- Tassunga atatillugu ataatsimiititaliamit oqaatigineqassaaq Naalakkersuisunut ilaasortat ataasiakkaat inuussutissarsiutigalugu aalisarnermut akuersissutitik/piniarnermut allagartatik paariinnaraat qinnuteqartut itigartinneqartarnerat naapertuutinngitsoq ataatsimiititaliaq isumaqarmat, Aalisarnermut, Piniarnermut Nunalerinermullu Ataatsimiititaliami siulittaasoq, Nikolaj Jeremiassen allappoq.

Atuaruk: Naalakkersuisunut siulittaasup aalisarnikkut inuussutissarsiuteqarnera ajunngilaq

Powered by Labrador CMS