Skip to main content

Inuussutissarsiuteqartut eqqarsaatigalugit oqartussat angallanneqaqqissinnaalersut

Aggustimi Kalaallit Nunaannukarniaraanni, bilitsit nungussimapput. Tassunga atatillugu oqartussanik angallassisarneq atuutseqqinneqalerpoq - tamakkiisumillu akiuussutissalertissimasunuinnaq.

Sapaatip akunneranut nunatsinnut tikissinnaasut 1.000-inut amerlassusilerneqarsimasut qangali naammatsinneqareersimapput, taamaammat maannakkorpiaq Københavnimiit Kalaallit Nunaannukarniarluni Air Greenlandimi bilitsinik pisisoqarsinnaanngilaq.

Coronamut atatillugu allattoqarfiup tassunga atatillugu aalajangersimavaa, ilaatigut inuussutissarsiuteqartut peqqinnissaqarfillu eqqarsaatigalugit oqartussanik angallassisarneq atuutseqqinneqalissasoq. 

Nunamiimmi nunamullu inunnik angallassisarnissaq suli pisariaqartinneqarpoq. Oqartussanilli angallassinissani inuit tamakkiisumik akiuussutissalertissimasut kisimik angallanneqarsinnaapput. 

Akiuussutissalertissimanermut piumasaqaat avaqqunneqarsinnaanngitsoq

- Angalanissaq inuiaqatigiinnut pingaaruteqarnersoq aamma akuersaarneqarsinnaanersoq eqqarsaatigalugit qinnuteqaatinik ataasiakkaanik nalilersuinissamut immitsinnut pisinnaateqqippgut, Coronamut atatillugu allattoqarfik nunami suliffeqarfinnut kommuninullu mailikkut allappoq.

Oqartussat qinnuteqaatinik nalilersuinerminni uku pinaartinniarpaat:

  • Kalaallit Nunaanni Upalungaarsimanermut atatillugu inuiaqatigiinnut pingaarutillit
  • Kalaallit Nunaanni Attaveqaateqarnermut atatillugu inuiqatigiinnut pingaarutillit
  • Meeqqat inuusuttullu (18-iliineqanngitsut) ingerlariaqqissinnaanngitsut angalanissaat
  • Suliffeqarfiit suliassaminnik pingaarutilinnik isumaginnissinnaasimanngitsut
  • Ilinniartoqarfinni ilinniartitsisut ilinniartullu

Coronamut atatillugu allattoqarfiup mailimi erseqqissaassutigaa, akiuussutissalertissimanermut piumasaqaat avaqqunneqarsinnaanngitsoq.

Allattoqarfiup Sermitsiaq.AG-mut ilisimatitsissutigaa, piumasaqaateqarnermut pissutaasoq tikittunik misissuisinnaanerup eqqarsaatigineqarnera.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER