Inuussutissarsiornermik suliaq Nunatsinnit isumassarsiaq nersornaaserneqartoq

Jesper Krogh Kjeldsen ukiuni arlalinni Sermitsiaq.AG-p tuniniaanermut immikkoortortaqarfiani aqutsisuusimasoq, visitkortiminut 'Årets Idealist' allassinnaanngorpaa.

Taassuma Ivækstpris 'Årets Idealist'-itut nersornaat sapaatip-akunnerani kingullermi pissarsiaraa.

Tamanna nutaaliorluni suliamik tunuliaqutaqarpoq, tassami inuusuttup aallartisaasup taassuma imeq kuuffimminngaanneersoq nalinginnaasoq kartonnginik mingutsitsinngitsunik poorlugu Danmarkimi tuniniagaraa.

Toqqagassaq mingutsitsinngitsoq
Angerlarsimaffimmi imeq igaffimmi kuuffimminngaanneersoq, imermit plasticinik pooqartunit eqqussanit mingutsitsinnginnerusoq oqariartuutaavoq, aammalu Danmarkimi nunap iluata ernganit ajornerukkajummat, kiisalu puuisa pinngortitaq mingutsittarmassuk. Taamaammat siullermik kuuffimminngaanniit imertarit, angalatillunilu imermik nassassagaanni kuuffimmeersumik imermik plasticinik pooqanngitsunik pisigit.

Jesper Krogh Kjeldsenip Kalaallit Nunaanni sulereerluni aamma silap pissusiata allanngoriartorneri nunarsuarmi qeqertat annersaanni misigereerlugit suliniummut isumassarsisimavoq.

Aamma atuaruk: Kalaallit Nunaannit isumassarsiaq nersornaammut innersuunneqartoq