Skip to main content

Inuussutissalerinermut suliassaqarfik Atassutip tiguniarpai

Inuussutissalerinermut suliassaqarfiup tigunissaa qanoq akeqassanersoq, Naalakkersuisut nassuiaasioqqullugit Aqqalu Jerimiassen siunnersuuteqarpoq.

Inuussutissalerinermut suliassaqarfiup tiguneqarnissaa arlalitsigut iluaqutissartaqarpoq. Aqqalu Jerimiassen (A) taama isumaqarpoq, tamanna sumik piumasaqaatitaqarnersoq Naalakkersuisut nassuiaasiornissaannut taamaattumik siunnersuuteqarpoq.

- Nunanit allanit inuussutissat nunatsinni eqqunneqartut nammineq akuerisinnaasariaqarpagut, tamannalu qularnaarniarutsigu nakkutigisariaqarparput, inuussutissalerinermut oqartussaanerup nunatsinnuit tiguneqarneratigut, taanna siunnersuummut tunngavilersuummini taama allappoq.

Aallarnisarnermi aningaasartuutit aamma ingerlatsineq qanoq akeqassanersut, nassuiaammi qulaajarneqassapput. Kisianni aamma allaffissornikkut kingunissai nassuiaateqarfigissavai.

- Suliassaqarfimmut oqartussaanerup tiguneqarneratigut taamatuttaaq innuttaasut peqqissusiisa illersorneqarsinnaanerannut, inuussutissat avatangiisinik innarliisinnaasut pitsaanerusumik nakkutigisinnaalernissaannut, imminullu pilersornerup annertusarneqarnissaanut periarfissavut nukittorsassavagut. Piareersimavugut akisussaaffiup annertuup taassuma tigunissaanut.

- Ungasinnerusoq eqqarsaatigalugu upperaarput inuussutissalerinermik inuussutissarsiuteqarneq eqqarsaatigalugu suliffeqarfinnik amerlanerusunik pilersitsisoqarsinnaasoq, inuussutissarsiortut akornanni suleqatigiinnerup, imminut pilersornerup, nakkutilliinerup inatsisiliornerillu aporfissanik piiaanerisigut.

Nassuiaasiorneq qinersinermit unitsinneqartoq

Suliassaqarfiit tamakkerlugit tiguneqarnissaannut Naalakkersuisut nassuiaasiornissamut 2015-imili peqquneqarnikuugaluarput, taanna 2018-imi upernaakkut ataatsimiinnermi piareerneqartussaagaluarluni. Kisianni Kim Kielsen qinersinissamik nalunaaruteqarpoq, nassuiaasiornerlu piareerneqanngilaq. Suliassaqarfiit qanoq tulleriaarnilerlugit tigoorarneqassanerinik nassuiaat tunngaviliisussaagaluarpoq.

Tulleriiaarinissaq suli pingaaruteqartoq, Naalakkersuisut isumaqarput.

- Immikkoortut sorliit maannakkut tigunissaannik tulleriinnilersuineq tunngavilersorluakkamik saqqummiunneqarsimanissaa Naalakkersuisunut apeqqutaavoq, aalisarnermut piniarnermut nunalerinermullu naalakkersuisoq, Jens Immanuelsen (S) akissuteqaammini taama allappoq.

Inuussutissalerinermut suliassaqarfiup tiguneqarnissaanut nassuiaasiortoqarnissaa Naalakkersuisut taperserpaa, kisianni eqqarsarluartoqarnissaa aamma oqaatigalugu.

- Tassunga ilanngunneqassallutik suliassaqarfiup pineqartup tiguneqaratarsinnaanissaanut atatillugu sioqqutsilluni aalisarnerup immikkoortutut taaneqarnerata iluani aningaasatigut allaffissornikkullu kingunerisinnaasaannik erseqqinnerusunik sunniutissanik nalilersuinissat ullumikkummi, aalisarnerup immikkoortuinit avammut tunisassiornitsinnit 90 procentit nalinginut naleqarmata. Pitsaaqutaasinnaasut ajoqutaasinnaasullu pillugit misissuinikkut ersertitsinerit pisariaqarput aammalu nunatsinni inuussutissarsiornermi pingaarnerpaasumut tamakkiisumik kingunerisinnaasaannut sunniutissat pillugit nalilersuisoqassappat tamanna naliginnaasumik pissusissamisoortuussaaq inuussutissarsiuteqartut suleqatiginerisigut pinissaa. Tassunga ilanngunneqartariaqarportaaq Savalimmiuni misilittakkat pisariaqartinneqartut nalilersuinermut peqataatinnissaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER