Inuusaliaq allatut isigisassanngortinneqartoq

Christianshavns Torvimi Københavnimi Nunarput pillugu eqqaassutissaq taamaalilluni eqqumiitsuliatut 'Inuit Nutaanik' taallugu takusassiarineqarsimavoq. Eqqumiitsuliap kalaallit pillugit isummiutereertakkat akerlilissavai.

Christianhavns Torv aamma Nunarput pillugu eqqaassutissaq eqqarsaatigilluakkamik aallaavittut ‘Inuit Nutaanik’ qulequtsikkamik qullilersuinermi toqqarneqarsimapput.

Eqquimiitsuliortut ataatsimoortut SIIKU, Rasmus Nielsenimik aamma David H. Péronardimik inuttaqartut, Kalaallit Illuutaat aamma Nordatlantens Brygge suleqatigalugit Copenhagen Light Festivalimut atatillugu eqqumiitsuliaq suliaraat.

- Eqqumiitsuliap qullilersukkap inuusaliat allatut nutaamik isigineqartilerlugit kalaallit isigineqartarnerat assigiinngisitaartinneqarnissaannut sinaakkusiisuussaaq, Kalaallit Illuutaat eqqumiitsuliaq pillugu taama allappoq.

Kalaallit Nunaat pillugu eqqaassutissaq Svend Rathsackimit Kalaallit Nunaanneereernerup kingorna 1938-imi pilersinneqarpoq. Qiperukkanik pingasunik immikkoortoqarpoq: piniartoq qajalik, sukap portusuup qaavaniittoq, arnat marluk sulisut pukkinnerusumik inissisimasut akornanniilluni.

David Peronard ved ferniseringen

Qiperukkat takisuunik issiavittalerneqarsimapput, ullumikkullu kalaaliunerusunit najorneqarnerusarlutik.

Tallimanngormat saqqummersitsisoqarnerani eqqumiitsuliortup aappaata, David Péronardip, eqqumiitsuliap led-nik qullilersorneqarsimasup kalaallit pillugit isummiutereertakkat qangali ilisimaneqartut akerlilersornerannik takutitsissasoq oqaluttuarpoq.

- Suliap qiperukkat pisoqqat ukiunut tuusintilikkuutaanut nutaanut akunnaatsunngortillugit siunissarpalaartumik kusanartunngortippai. Sukaq portusooq qaqortunik qaamasunik sinarsulinnik ungalulerneqarpoq, Kalaallit Nunaata qaqqaanit iluliaanillu aputeqartunit takutitsilluni. Piniartoq ammalortumik qullilersukkamik sinilerneqarpoq. Ammalortoq kalaallit erfalasuannut tunngatinneqartoq, aamma kalaallimik qitiutitsisoq, nassuiaataani itisiliinermi tamanna oqaatigineqarpoq.

Qulequtaq ’Inuit Nutaat’ Sumekkut nuutiliaannit tusaamaneqartumit Inuit Nunaannit aamma oqaatsinik pinnguarneruvoq.

Powered by Labrador CMS