parnaarussaq

Inuunermi sinnera parnaarussivimmiittussaq Seth Sethsen pillugu atuagaq saqqummilerpoq

Danmarkip oqaluttuarisaanerani Seth Sethsen sivisunerpaamik parnaarussivimmiippoq. Atuagaq ’Seth - en krigermunk bag tremmer’ novembarip arferngani saqqummissaaq

Seth Sethsen ukiut 29-ssaat parnaarussivimmiippoq ullumi

Seth Sethsenip parnaarussivimmit misiligummit iperagaanissaat 2013-mi itigartitsissutigineqarpoq.

Itigartitsissutigineqareermat Seth Sethsen eqqartugaavallaarunnaarpoq.

Atuagaq ’Seth - en krigermunk bag tremmer’ novembarip arferngani saqqummissasoq Bogkompagnietimit nalunaarutigineqarpoq. Atuakkami Seth Sethsenip oqaloqatigineqarnera atuarneqarsinnaavoq, aamma parnaarussaaqatai parnaarussiviullu avataaniittunik atuagaq imaqarluni.

Atuakkami ilaatigut ima allassimasoqarpoq:

'Albertslundimi nukappiaraq 1960-kkunni peroriartorpoq Danmarkimi 'Taxamorderen'-itut taagorneqartoq. Seth Sethsenip inuunera pillugu atuagaq tunngaveqarpoq, ilaatigut ilaqutai aamma oqaluttuarineqarlutik. Ukiunilu 28-ni parnaarussivimmiinnera aamma allaaserineqarpoq.

Atuakkami Seth Sethsenip peroriartornermini misigisai sammineqarput.

1985-mi ajorluinnartumik iliuuseqarpoq. Seth Sethsen ujajaaniartilluni taxartitsisumik toqutsivoq.'

Iperagaanissamik neriuut
Seth Sethsen ukiut 29-ssaat parnaarussivimmiippoq, taamaasilluni Danmarkip oqaluttuarisaanerani sivisunerpaamik parnaarussivimmiilluni.

Arlaleriarluni iperagaanissamik qinnuteqartaraluarpoq tamarmilli itigartitsissutigineqartarput. Seth Sethsenip siunissami iperagaanissani neriuutigaa.

Atuakkap ilaa Peter Grønlundimit allanneqarpoq, Thomas Jensenillu atuagaq tamaat suliaralugu.

Powered by Labrador CMS