'Inuuneq' atitut akuerineqarsinnaanngitsoq Nickip nassuerutigisariaqarpaa

Inuit Aqqinik Akuersisartut siulittaasuat Sofie Petersen oqarpoq 'Inuuneq' atigineqarsinnaanngitsoq.

Naalakkersuisunut ilaasortaq Nick Nielsen tusagaasiutinut nalunaarummini oqarpoq aqqit pillugit aalajangiisarnerni peqataanani. Nick Nielsenilli atit pillugit oqallinnermi killilersugaannginnerusumik atiliisoqarsinnaaneranut oqallittoqarnissaa kissaatigalugu. Inuit Aqqinik Akuersisartut siulittaasuat Sofie Petersen ilaatigut aamma 'biskop Sofie Petersen'-imik taagorpaa.

- Inuit Aqqinik Akuersisartut aalajangiusimavaat Naalakkersuisoq akulerussimasoq sulilu aamma ateq aalajangersimasoq pillugu akuleruteqqittoq. Naalakkersuisup atorfilittani ilagalugit angajoqqaajusut decembari qaammat 2013-imi ataatsimeeqatigai, angajoqqaajusullu aappassaaneerlutik Ombudsmandimut maalaaruteqarput januaari qaammat aallartittoq 2014-imi. Oqaasiliortut maalaaruteqarneq pillugu aalajangiiffiginneqqinnerat januaarip aallartinnerani 2014-imi pivoq, meerannguup atserneqarnissaanut suliaq suli naammassinngilaq – taamaammat suliamut aalajangersimasumut akuliuttoqarpoq sulilu akuliusimasoqarluni, naak tamanna pissusissamisuunngikkaluartoq, tamannami minnerpaamik suleriaatsit qanoq ittuunerinut, pisinnaatitsinermut kinaassusersiunngitsumillu ingerlatsisoqarnersoq suliassamik ingerlatsisunut paatsiveerussaataaginnarpoq.

Inuit Aqqinik Akuersisartut aamma erseqqissaateqarput

- Akuersisartut aalajangiinerat inuit aqqi pillugit peqqussummi tunngaviusoq naapertorlugu aalajangiineruvoq. Inatsisitigut toqqammaviusut Kalaallit Nunaanni nutaanik ateqalernissamut immikkut kanngiffiunatillu ajornasaarisuunngillat. ”Allaanerusumik” aqqit pillugit inatsisiliornissap periarfissat atermut pineqartumut allanngortikkunnanngilai. Akuersisartunit neriuutigaarput tamanna eqqumaffigineqassasoq. Soorunami takorloorneqarsinnaavoq politikkikkut kissaateqartoqartoq atertaarnissamut periarfissat ima ammarneqartigissasut – oqaaseq sunaluunniit atsiunneqarsinnaanngortillugu. Taamaattoqassanngippat Naalakkersuisup aamma nassuerutigisariaqassavaa naliliineq qanoq ilisukkulluunniit atuuttariaqassasoq – aammalu taamaattoqareersoq itigartoqareersimasorlu.

Naalakkersuisoq atinut tunngatillugu oqallinnermut ilanngussimasoq Inuit Aqqinik Akuersisartut isigaat. Angajoqqaat decembarimi ataatsimeeqatigineqarsimapput, angajoqqaallu januaarimi ombudsmandimut maalaaruteqarlutik. Inuit Aqqinik Akuersisartut januaarip aallartinnerani maalaaruteqartut akivaat.

- Inuit Aqqinik Akuersisartut aalajangiusimavaat Naalakkersuisoq akulerussimasoq sulilu aamma ateq aalajangersimasoq pillugu akuleruteqqittoq. Naalakkersuisup atorfilittani ilagalugit angajoqqaajusut decembari qaammat 2013-imi ataatsimeeqatigai, angajoqqaajusullu aappassaaneerlutik Ombudsmandimut maalaaruteqarput januaari qaammat aallartittoq 2014-imi. Oqaasiliortut maalaaruteqarneq pillugu aalajangiiffiginneqqinnerat januaarip aallartinnerani 2014-imi pivoq, meerannguup atserneqarnissaanut suliaq suli naammassinngilaq – taamaammat suliamut aalajangersimasumut akuliuttoqarpoq sulilu akuliusimasoqarluni, naak tamanna pissusissamisuunngikkaluartoq, tamannami minnerpaamik suleriaatsit qanoq ittuunerinut, pisinnaatitsinermut kinaassusersiunngitsumillu ingerlatsisoqarnersoq suliassamik ingerlatsisunut paatsiveerussaataaginnarpoq.

- Inuit Aqqinik Akuersisartut suliami aalajangersimasumi uani Naalakkersuisoq Nick Nielsen paasiuminaatsissimavaat. Ingammik tupigusuutiginngitsoorsimanngilaat Naalakkersuisup tusagassiuutit aqqutigalugit taamaallaat Inuit Aqqinik Akuersisartunut attaveqarniarmat, uffa Akuersisartut allattoqarfiallu ajornanngitsumik toqqaannartumik saaffigineqarsimasinnaagaluartoq ataatsimeeqatiseralugu pisimasumilu qanoq pisoqarsimanersoq imminut paasissutisseqqullugu.
Inuit Aqqinik Akuersisartut sulianut tunngassuteqartuni nalinginnaasumik oqaloqatigiinnissamut Naalakkersuisumut neqeroorput – sammisat ataasiakkaat pinnagit, Sofie Petersen oqarpoq.