Pissutsit pitsaanerulersimanerat neriuutigineqartarpoq. Amerlanerit Kalaallit Nunaanni Ilisimatusarfimmi ilisimatuup adjunktillu Steven Arnfjordip ilisimatuullu Lise Hounsgaardip Sydjysk Universitetimeersup ilisimatuutut allaatigisaannik nunat assigiinngitsut akornanni atuagassiami Intersectionalities (A global journal of social work analysis)-mi saqqummersinneqartumik atuareernermik kingorna taamatut eqqarsarsimassapput.

Atuanngitsooqattaartoq
Taakku marluullutik ukiut tallimat matuma siornatigut Nuummi isumaginninnermut siunnersortitut sulilluni qanoq innersoq misissorsimavaat. Sulisut 15-it apersorsimavaat, suleriaasaat misissorlugu su- lineranullu pulallutik misiliisimallutik. Taassuma kingorna nalunaarusiaq maanna annerusunut siaruarterneqartoq naammassiniarlugu aallartippaat.

Misissuinermi nukappiaqqap inersimasunit iliuuseqarfigineqanngitsumik piffissami sivisuumi atuarfimmit qimaaqqasarnera arnamit isumaginninnermut siunnersortaasumit nalunaarutigineqarsimasoq ilaatigut atuarneqarsinnaavoq.

Anaanaa saaffigineqartoq
- Nukappiaraq ukiup affaani atuartitsinermut peqataasarsimanngimmat atuarfimmukarpunga. Nalunaarfigineqarsimanngilagut. Nukappiaraq atuarfiup aqutsisuata naluaa, klasselæreriatalu arlaleriaannarluni takusimallugu. Atuarfiup pisortaata tullersortaata nukappiaqqap atuartuunera ilisimanngilaa. Taava qanoq iliussaanga? Arnaq isumaginninnermut siunnersorti oqarpoq.

Kingusinnerusukkut nukappiaraq anaanaminiittoq sumiissusersineqarsimavoq, arnaatalu ernermi atuarnerminik paarsinera soqutigisimanngilaa.

Allaaserineqartoq tamaat Nuuk Ugeavisimi atuarneqarsinnaavoq. Aviisi akeqanngitsumik ataani aajuk:

Nuuk Ugeavis Uge 04 2016

Klik her for at læse