Inuk ataaseq Nuummi biilimik ajutoortoqareersoq tigusarineqarsimavoq
Inuit marluk Nuup Qinnguani biilimik ajutoortoqarmat ajoqusilaarsimapput, inullu ataaseq tigusarineqarsimalluni. Politiit suliaq misissuiffigaat.
Ajoqusertoqarsimanera inummillu ataatsimik tigusarinnittoqarsimanera pillugit paasissutissat nutaat ilanngullugit ilanngutassiaq nutarterneqarpoq
Politiit sisamanngornermi ullu-qeqqata siornatigut qulingiluap missaani Nuup Qinnguani biilimik ajutoortoqarsimasoq pillugu nalunaarfigineqarsimapput.
Pigaartut pisortaata Preben Kleistip Sermitsiaq.AG-mut ilisimatitsissutigaa, biili innaallagiatortoq ajutoorsimasoq.
- Qaterisartut biilip innaallagiatortup batteriianik isumannaallisaaneranni aqqusineq matusimavarput, maannali ammaqqinneqareerluni, pigaartut pisortaat oqaluttuarpoq.
Taassuma ilanngullugu ilisimatitsissutigaa, inuk ataaseq arlallilluunniit Sanamukaanneqarsimasut, politiilli inuit qanoq ajoqusersimatiginerat suli ilisimanngikkaat.
Ambulancit ikinnerpaamik pingasut qatserisartullu biilii marluk ajutoorfimmukartinneqarsimapput.
Politiit nalunaaqutaq aqqanernut ilisimatitsissutigaat, inuit marluk ajutoortoqarnerani ajoqusersimasut ajoqusersimasunut nakorsiartarfimmukaanneqarsimasut, aamma biilit pingasut ajutoorsimasut.
Politiit inummik ataatsimik tigusarinnissimapput, suliarli misissuiffigineqarmat allanik ilisimatitsissuteqarsinnaannginnerarlutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...