Inuk ataaseq mattusimanissamut malittarisassanik unioqqutitsisimasutut tigusarineqarsimasoq

Politiit tallimanngormat unnukkut inuk ataaseq imerniartarfimmiittoq tigusarisimavaat, taanna nunamut tikikkami mattusimanissamut misissorteqqinnissamullu malittarisassanik malinnissimanngilaq. Inuk pineqartoq kingusinnerusukkut misissortimmat tunillatsissimanngitsoq paasineqarpoq.

Nuummi politiit pigaartui tallimanngornerup arfininngornerullu akornanni unnuakkut nalunaarfigineqarsimapput, inuk ataaseq Kalaallit Nunaannut tikeqqammersoq pillugu. Inuup pineqartup tikinnermini mattusimanissamut malittarisassat malinnagit illoqarfiup pingaarnersaanni imerniartarfiliarsimavoq.

Politiit imerniartarfimmut apuummata inuk pneqartoq aalakuungaatsiarsimavoq, nassuiaatigeeqqarsimavaalu ullut aqqaneq-marluk matuma siornatigut Kalaallit Nunaannut tikissimalluni.

Politiit ilisimatitsipput, pasineqartoq qimaaniarsimagaluartoq, politiilli tigusaripallassimavaat, pineqartorlu Kalaallit Nunaannut tikinnermini Covid-19-imut atatillugu malittarisassanik alinnissimanngitsutut unnerluutigineqarluni.

Unnerluutigineqartup nassuerutigisimavaa, sisamanngornermi apriilip 22-ani tikissimalluni, Kalaallit Nunaanni Politiit malittarisassanik allanik unioqqutitsisoqarsimanersoq paasiniarlugu inatsimmik unioqqutitsisimaneq qanoq annertutiginersoq misissuiffigilersimavaat.

Mianersortoqarnissaanik kaammattuisut

Kalaallit Nunaanni Politiit nalunaarutigaat, Covid-19-imik siaruatsaaliuinissamut malittarisassanik unioqqutitsisoqartarneranut atatillugu suliat suli ikittunnguusut. Inuilli Kalaallit Nunaannut tikittut malittarisassanik malinnittarnissaannik kaammattuipput.

- Inuit allat inuunerat ulorianartorsiortissinnaavat. Timmisartumut Kalaallit Nunaannukartussamut ikitinnak ullut arlallit sioqqullugit misissortinnivit tunillatsissimannginnerit takutikkaluarpaguluunniit, aallartinnak tunillatsissimasinnaavutit. Tuniluuttoqalinnginnissaa taamaallaat qulakkerlugu oqaatigisinnaavarput, inuit tamarmik nunamut tikittut tikinnerminnit ullut tallimat qaangiunneranni misissortinnerminni tunillatsissimanngitsut paasineqarpat, pigaartut pisortaat Johan Westen oqarpoq.

Tunillatsittoqarsimasinnaanera eqqarsaatigalugu pineqartoq misissoqqinneqarsimavoq. Pineqartoq tunillatsissimanngilaq, taamaammallu politiit iliuuseqaqqinnissamut tunngavissinneqarsimanngillat, politiinit oqaatigineqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS