piviusulersaarusiaq
Inuk aamma Emile: Killitsisimaarnaqaaq
Sume pillugu piviusulersaarummik filmiliortut sanaartik tigulluarneqarnera qujamasuutigaat
Nipilersoqatigiit Sume pillugu piviusulersaarusiortut Inuk Silis Høegh aamma Emile Hertling Péronard kulturikkut illorsuarmi Katuami filmip takutinneqareernerani nersualaarneqarput.
- Qanoq oqassaanga? Piviusulersaarut ukiuni sisamani suliaraarput, ukiorlu una kingulleq killorlugu. Piviusulersaarut assigiinngitsunik 20-nik 30-illuunniit iluseqarsinnaagaluarpoq, aamma oqaluussuaartarnikuuvugut una qanoq isikkoqassanersoq pillugu. Isiginnaartut peqatigalugit filmi takusareerparput, maannakkullu paasiartulerparput sunarpiaq suliarisimanerlugu, Emile Hertling Péronard filmip takutinneqareernerani oqarpoq.
- Piviusulersaarut Sumemi nipilersortartunut takutereerparput, misigisarlu tupinnaqaaq, Emile Hertling Péronard oqarpoq. Piviusulersaarutip takutinneqareernerani isiginnaariat qaaqqusaasut oqaloqatigaat. Katuallu uninngaartarfiani Christian aamma Frederik Elsner nipilersuataartinneqarput.
Inuk pissangasoq
Piviusulersaarutip takutinneqannginnerani takutinneqareerneranilu Inuk Silis Høeghip tupaallaatigisaminik pissangavoq.
- Eqqissiallattorujussuuvunga nuannaartorujussuullungalu. Naanerani aqqit saqqummeralermata aatsaat pissangajunnaarpunga.
Piviusulersaarummut aningaasaleeqataasut inuillu suleqataasimasut Inuk Silis Høeghimit Emile Hertling Péronardimiillu qujaffigineqarput.
Aviisini AGmi Sermitsiamilu 'Sume - mumisitsinerup nipaa' annertunerusumik atuarneqarsinnaapput