politiit
Inuit toqutsisimanatik toqutsisimanerartarput
Nuummi toqutsineq pillugu politiit misissuineq eqqarsaatigalugu anngigisaqartarput. Toqutsisimanatik toqutsinerartut ilaatigut ernumassutigaat.
Toqutsisimanernik paasiniaanerminni politiit eqqumiinnerpaamik ajornartorsiutigissaat tassaapput inuit toqutsisimanatik toqutsisimanerarlutik nassuertut!
AG taama allaaserisaqarpoq.
Ilaatigullu tamanna pissutigalugu politiit paasiniaanerminni anngigisaqartarput.
Sapaatip-akunneri arlaliannguit matuma siorna kingullermik toqutsisoqarpoq, tamatumani politiit naapertorlugit arnap angut Nuummi illoqarfiup ilaani Nuussuarmi toquppaa. Suliassaq suliassanut toqutsinernut allanut akerliusumik nalinginnaasuminngarnit politiinit oqaluuserineqarumannginneruvoq. Tigummigallarneqartup toqutaasulluunniit ukiui tamanut tusarliunneqanngillat. Pinerlunnermut suna pissutaasimasinnaanersoq aamma ilisimaneqanngilaq.
Tamatigorluinnangajak paasiniaaneq eqqarsaatigalugu matoqqasuusarneq pissutaasartoq, politimesterip Bjørn Tegner Bayip AG-mut nassuiarpaa. Tamatuma saniatigut toqutsinatik toqutsinerartartut ajornartorsiutaapput.
- Nalinginnaasumik matoqqasumik suliarinninneq ajortugut isumaqarpunga. Maannakkorpiaq toqutsinernut tunngasumik sisamanik suliasssaateqarteqarpugut, aamma maani Nuummi taamaallaat matoqqasumik suliarinnittoqartarpoq. Matoqqasumik suliarinninnissamik qinnuteqaateqaraangatta pisut 99 procentiini paasiniaanerit pissutigalugit matoqqatitsisoqarnissaa noqqaassutigisarparput. Nuummi suliassat aamma taamatut pineqartarput. Suliassat ilaat paasissutissartaat avammut tusarliunneqaraluarpata paasiniaanitsinnik aseruerujussuarsinnaasarput – taamatut nalilerparput. Immikkualuttunnguusinnaapput aammali annertunerusinnaallutik, Kalaallit Nunaanni politimester, Bjørn Tegner Bay AG-mut oqarpoq.
Ukioq sisamanik toqutsiffioreersoq pillugu AG-mi paasisaqarnerugit. Aviisi elektroniskiusoq uani ataani linki atorlugu pisiarineqarsinnaavoq: