Skip to main content

Inuit tallimat avataata sikuanit nikinnaveertinneqartut

Inersimasut marluk meeqqallu marluk, umiatsiaaqqami Maniitsup avannaani issimasut, avataatalu sikuanit nikinnaveertut, Tritonip qulimiguulianit marlunngornermi annaanneqarput, umiatsiaaqqami aquttoq kingusinnerusukkut Sisak II-mit aamma annaanneqartoq

Maniitsumi politiit ataasinngornermi unnukkut nalunaaqutaq 20.52 kalerrinneqarput umiatsiaaraq tallimanik issimasulik, Napasumiit Maniitsumut ingerlaartoq tikissimanngitsoq.

Kalerriisoqarnerata nalaani apivoq minus 12 gradillu tikillugit issilluni.

Inuit tallimat issimasut tassaasimapput inersimasut pingasut, meeqqallu marluk qulinik 13-inillu ukiullit.

Taama Qeqqata Politiivini pisortaq, politikommissær Johan Davisen, tusagassiuutinut nalunaaruteqarpoq.

Ujaasineq aallartinneqartoq
Politiit angallataat Sisak II ujaasiartortinneqarpoq, soorlu aamma Arktis Kommando alapernaarsuut Triton atorlugu aamma ujaasinermut akulerutsinneqartoq.

Ullumi marlunngornermi nalunaaqutaq 08.15 ujarneqartut Sisak II-mit VHF-radiokkut attaveqarfigineqalerput, paasineqarpullu taakkua Maniitsup avannaatungaaniittut.
 
Umiatsiaaraq, 19 fodseq Shetlandimik mærkilik 90 hk-inillu motorilik, tallimanillu issimasoqartoq kingorna nassaarineqarpoq.

Inuit sisamat qulimiguulimmut amoorneqarput
- Tritonip qulimiguulia iluaqutigalugu inersimasut marluk meeqqallu marluk qulimiguulimmut amoorneqarput Maniitsuliaanneqarlutillu. Umiatsiaaqqami aquttoq, angut inersimasoq, umiatsiaaqqamiiginnarpoq, taannalu politiit angallataannit Sisak II-mit annaanneqarpoq, Johan Davidsen oqaluttuarpoq.

Johan Davisenip oqaluttuarnera malillugu umiatsiaaraq ingerlaartilluni apisumut pisimavoq sumiissuseerullunilu, taamatullu aamma umiatsiaaqqap GPS-ia VHF-radioalu atorsinnaajunnaarsimapput.
 
- Aquttoq unissimavoq sumiissusersisinnaajunnaarami. Unnuallu ingerlanerani umiatsiaraaq avataata sikuanit nikissinnaajunnaartinneqarsimavoq, qaammarmallu sumiissusersisinnaasimapput, Johan Davidsen allappoq.

Umiatsiami aquttup VHF-radio iluarsaassimavaa kanal 8-kkullu nassiussuilernermini politiit angallataat Sisak II attaveqarfigilersimallugu.

Umiatsiami issimasut pisut eqqarsaatigalugit ajunngillat, naak unnuap ingerlanerani qiulersimagaluarlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER