Skip to main content

Inuit sisamat toqutsisimasutut unnerluunneqarput

Nanortalimmi Politiit inuup toqunera toqutsinertut paasiniaaffigaat. Inuit sisamat eqqartuussivimmi ullumi sassartinneqassapput.

Kalalalit Nunaanni politiit Nanortalimmi toqusoqarsimanerani toqutsisoqarsimasinnaaneranik paasiniaapput.

Suliami inuit sisamat tigusarineqarput, killisiorneqassallutik, toqutsisimasutullu unnerluunneqassallutik.

Kalaallit Nunaanni Politiit pigaartut pisortaat, Julie Senderovitz Bendtsen Sermitsiaq.AG-mut taama ilisimatitsivoq.

- Inuit pineqartut sisamat suliami unnerluutigineqassapput killisiorneqasallutillu. Eqqartuussivimmi aamma sassartinneqarumaarput, pigaartut pisortaat oqarpoq.

Kalaallit Nunaanni Politiit angut toqungasoq pillugu arfininngornermi ullaakkut nalunaaqutaq 05.20 kalerrinneqarput. Angut Nanortalimmi silami toqungasoq nassaarineqarsimavoq.

- Suliami politiit Danmarkimit pinerluttulerinermi paasiniaasartunit marlunnit toqusunillu misissuisartumit ikiorneqassapput. Aamma Qaqortumi Narsamilu politiit Nanortallup Politiivi ikiorpaat, Julie Senderovitz Bendtsen oqaluttuarpoq.

Suliami paasissutissat eriagineqarnissaat pillugu, Kalaallit Nunaanni Politiit ilisimatitsinngikkallarput angut toqungasoq qanoq toqusimanersoq pillugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER