Skip to main content

Inuit Pisinnaatitaaffiinut Nunatta Siunnersuisoqatigiivi: Inatsisitigut ataataqanngitsut narrunarsagaapput

Nunatsinni inatsisitigut ataataqanngitsunut aalajangiinissamut utaqqisitsiuarneq nalornisitsiuarnerlu inuit unneqqarissumik pineqarnissaannik pisinnaaatitaaffiinik unioqqutitsingajappoq, Inuit Pisinnaatitaaffiinut Kalaallit Nunaata Siunnersuisoqatigiivini siulittaasoq isumaqarpoq

– Ukiorpassuarni inunnik pineqartunik nalornisitsillu utaqqisitsiuarsimaneq unittariaqalersoq, tamannalu naalakkersuinikkut piumassuseqaraanni ungasinngitsumi anguneqarsinnaavoq.
Taamatut tusagassiorfinnut nalunaarutikkut allappoq Hjalmar Dahl, Inuit Pisinnaatitaaffiinut Kalaallit Nunaata Siunnersuisoqatigiivini siulittaasoq.
– Nunatsinni inatsisitigut ataataqanngitsunik nalornisitsineq utaqqisitsiuarnerlu nanginneqartoq akuerineqarsinnaanngilaq, inuit pineqartut ajorquserujussuarnissaata killerpiaaniimmat, Hjalmar Dahl oqarpoq.
Ilanngullugu oqaatigaa maannamut naalakkersuinikkut iliuuserisimasat ajunngitsutut nalilertariaqartut, taamaakkaluartoq suliap ajunngitsumik naammassinissaa siunertaralugu piaartumik iliuuseqarnissaq pisariaqalerpoq.
Aamma atuaruk: Ataataqanngitsut taarsiiffiginissaat Thorningip itigartippaa
Aamma atuaruk: Inatsisitigut ataataqanngitsunut inatsisiliaq kinguartinneqarpoq
– Kingullermik Nunatta Inatsisartui aalajangiipput pineqartut taarsiiffigitinnissaat siunertaralugu nunatta Naalakkersuisui Danmarkimi Naalakkersuisut saaffigineqassasut. Tamanna ungasinngitsukkut pivoq akoraluartumilli kinguneqanngitsumik. Suliaq ullumikkut tassunga killikkallarpoq, qaqugulu qanorlu naammassineqarnissaa nalorninarseriaannarluni, Hjalmar Dahl oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER