Skip to main content

Inuit pisinnaatitaaffii pillugit najoqqutassiamik saqqummersitsisoq

Suliffeqarfiit maanna inuit pisinnaatitaaffiinik aamma inuiaqatigiinni akisussaaqataanermut najoqqutassiamik peqalerput

Transparency International Greenlandip CSR Greenland aamma Sulisitsisut peqatigalugit kalaallit suliffeqarfiinut inuit pisinnaatitaaffiinik suliaqarnermut najoqqutassamik nutaamik saqqummersitsipput.

Tamanna ippassaq marlunngornermi Nuummi Ole's Varehusimi pivoq, tassanilu suliffeqarfiit 20-t sinneqartut najoqqutassamut nutaamut ilisarititsinermut aamma inuit pisinnaatitaaffii suliffeqarfimmi qanoq atorsinnaanerannut soqutiginnipput.

Atuaruk: Kalaallit pisinnaatitaaffiit pillugit ilisimasanik amigaateqarput

Periutsit siunnersuutillu
Najoqqutasiap suliffeqarfiit inuit pisinnaatitaaffiinik sulinermik pilersaarusiornermut aamma ataqatigiisitsinermut aallartitsinissamik ikiortarpai, taannalu FN-ip Inuit Pisinnaatitaaffiinut aamma Inuussutissarsiornermut najoqqutassaanik aallaaveqarput.

Suliffeqarfiit najoqqutassiami pingaarutillit, periutsit aamma siunnersuutit atorluarsinnaasut aallartinnissamut nanisinnaavaat. Najoqqutassiaq kalaallisut qallunaatullu allaqqavoq.

Ilisarnarnerusoq
Nordic Law Groupimi eqqartuussissuserisoq aamma nunani tamalaani inuit pisinnaatitaaffiinik aamma inuussutissarsiornermi ilisimasalik ataqqineqartoq, Thomas Trier Hansen, najoqqutassiaq pingaaruteqartoq oqarpoq, inuit pisinnaatitaaffii nunarsuarmi najukkanilu ukkatarineqaleraluttuinnarnerat pissuitigalugu.

- Najukkameersunik assersuuteqartillugit ilisarnarnerujussuanngortarput - suliffeqarfinnullu pisut ulluinnaallu ilisarinissaannut ajornannginnerulertarlutik. Pitsaanerorpasillutillu nunanit tamalaanit saqqummersitanit timitaqarpalaarnerusarput, Thomas Trier Hansen, tusagassiuutinut nalunaarummi oqarpoq.

Transparency International Greenland aamma Sulisitsisut sinnerlugit najoqqutassiaq Thomas Trier Hansenimit aamma Rikke Kolbechimit suliarineqarpoq, Kalaallit Nunaanni Inuit Pisinnaatitaaffii pillugit Siunnersuisoqatigiit aningaasaliisuupput.

Atuaruk: Nunarput inuit pisinnaatitaaffiini misilitsittoq

Najoqqutassiaq allaaserisap talerpiata tungaani aaneqarsinnaavoq

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER