Inuit pingasut ikkarlinnerminnit aniguilluartut
Umiatsiaaraq arfinginngormat unnukkut Nuup kitaani ikkarlippoq. Inuit pingasut ajunngitsut annaanneqarput.
Politiit arfininngormat unnukkut kalerinneqarput, umiatsiaaraq inunnik pingasunik inuttalik Nuup kitaani ikkarlissimasoq.
Silap ersarlunnera pissutigalugu, sumiissusersiniarnertik ajornartorsiutigisimavaat, taamalu Nuup Akiani nuna qanillivallaarlugu ikkarlissimallutik. Namminneerlutik ikiortissarsiorsinnaasimapput.
Politiit angallatertik atorlugu aamma Arktisk Kommandop angallataataanit 'Ejnar Mikkelsenimit' ikiorteqarlutik inuit taakku ujarlugit aallartissimapput.
Inuit taakku pingasut ajungitsut nassaarineqarput Nuummullu angerlaanneqarlutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...