integration og kulturforståelse
Inuit Nuummi ajornannginnerusumik aallartitippavut
Nuummi innuttaasut nutaat avataaneersut kulturimik paasinninnerat ingerlatsiviup annertusarniarpaa
Inunnut 400-nut, ukiut tamaasa Nuummut nuuttartunut tamanut atukkat imaannaaneq ajorput - pingaartumik inunnut oqaatsitigut ajornartorsiutilinnut aammalu kalaallinik inuiaqatigiinnik killilimmik ilisimasalinnut.
Tamanna taartaanermik siunnersuinermillu ingerlatsiviup pilersinneqaqqammersup 4 Dynamic Relations-ip allanngortinniarpaa.
Ingerlatsiviup kulturimik pitsaanerusumik paasinninnissaq siuarsarniarpaa, taamaasilluni avataaneersut kalaallini inuiaqatigiinni akulerunnissaannut pitsaanerusumik tunngavissiiniarluni.
Taamaasiorniarpoq pissutigalugu nuuttorpassuit, tikeraarallartut sulisartullu avataaneersut Nuummut iluamik ilisaritinneqartarsimanngimmata.
- Pikkorissartitsinermik neqerooruteqarnikkut, oqaluttuarisaanermik, kulturimik oqaatsinillu imalimmik, neriuutigaarput pikkorissartitsineq aallaavissiissasoq innuttaasut nutaat paasinninnikkut ilisimasaqalernikkullu inuiaqatigiittsinnik kulturitsinnillu misigisaqarnissaminnut pitsaanerusumik periarfissaqalissasut, Jeanette Holding, 4 Dynamic Relations-imik piginneqataasoq, oqarpoq.
Atuaruk "Nuuk kajungerineqaqaaq"
PIkkorissartitsineq imaqassaaq Tupaarnaq Rosing Olsenip atuakkiaata ´Qaannat alannguanni´ ilaanik kiisalu Per Langgaardip oqaatsinik ilinniarneq pillugu DVD-liaanik.
4 Dynamic Relations 2013-imi Jeanette Holdingimit Inaluk Brandtimillu pilersinneqarpoq.