Skip to main content

Inuit marluk umiatsiaaraat kinngummat annaanneqarsimasut

Issittumi sakkutooqarfik marlunngormat ullaakkut, angutit marluk umiatsiaaraat kinngummat annaassiniaqataasimavoq. Umiatsiaararsortulli qiuleqisut sakkutuut angallatiginngisaannik annaanneqarsimapput.

Angutit marluk Maniitsup avataani15 sømilisut ungasitsigisumi umiatsiaaraat marlunngormat ullaakkut kinngusimavoq.

Taakku marluullutik qaarsumut qaqisimapput, tassanilu masaqalutik qiuleqalutillu ikiorneqarnissartik utaqqisimallugu, Illersornissaqarfiup ullormut nalunaarusiaani tamanna atuarneqarsinnaavoq.

Issittumi Sakkutooqarfik kalerrinneqarsimasoq

Sakkutuut angallatiginngisaat ajutoortut qanittuanniissimavoq, qaarsorli tikikkuminaatsissimallugu, taamaammat Issittumi Sakkutooqarfik kalerrinneqarsimavoq, umiarsuarlu alapernaarsuut Ejnar Mikkelsen ikiuiartortinneqarsimalluni.

Ejnar Mikkelsenili suli apuutinngitsoq, sakkutuut angallatiginngisaata qaarsoq tikissinnaanngorsimavaa, taamalu inuit marluk taakku annaallugit, ullormut nalunaarusiami taamatut allassimasoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER