Inuit marluk tillinniaqattaartoqareersoq tigusarineqarsimapput
Nuummi ulluni kingullerni tillinniaqattaartoqarsimavoq.
Annonse
Nuummi najugaqarfinni assigiinngitsuni sisamanik ikinnerunngitsuni sisamanngornermi unnuakkut tillinniartoqartarsimavoq. Inuinnaat angerlarsimaffianni suliffeqarfimmilu minnerpaamik ataatsimit tillinniartoqartarsimalluni.
Politiit misissuillutik aallartissimapput, tallimanngornerullu unnuaani suliamut atatillugu inunnik marlunnik tigusaqarsimallutik.
- Tigusarineqartut tallimanngornermi kingusinnerusukkut eqqartuussivimmut sassartinneqassanersut nalilersuiffigeruttulerparput, pigaartut pisortaat Malik Olesen oqaluttuarpoq.
Pigaartut pisortaata maannakkorpiaq ilisimatitissutigisinnaannginnerarpaa, inuit marluk taakku politiinit pasineqartut qasseriarlutik tillinniarsimanersut, oqaatigaali tillinniarsimanerit 'arlallit' pineqartut.