Inuit innarluutillit: Sara pensioneqalernissaminut kaammattorneqartoq
Misissuinerup annertuup takutippaa inuit innarluutillit suliffeqarniarnikkut ajornartorsiuteqartut. Tamanna inuup innarluutillip ullumikkut pillorissaasutut imminut tulluartumik suliaqartinneqartup ilisarisinnaavaa.
Inuit innarluutillit affaannik amerlanerusut, pensionisiaqartinneqartullu, ukiut suli suliffiusinnaasut inuuffigigaluarpaat. Tamanna Tiliup Ilisimatusarfik peqatigalugu annertuumik misissuititsisimanerani erserpoq.
Aviisi AG taama allappoq.
Taamaalilluni misissuinerup malunnarsisippaa inuit innarluutillit suliffissaqarniarnermikkut, taamaalillutillu inunnik ulluinnarni peqateqarlutik inuuneqarnissaminnut ajornartorsiuteqartut.
Taama inerniliineq Sara Jilsø Fleischerimut ilisarnarpoq. Taanna timimi ipiusartaatigut katigussisutigut nappaateqarpoq Ehlers-Danlosimik taaguutilimmik. Timimi ipiusartaatigut katigussisutigut nappaateqarnermigut pisinnaasai killeqarput, ilaatigut ulluinnarni nalunaaquttap akunnerini arfineq-pingasuni ataannartumik sulisinnaannginneranik kinguneqartumik. Sivisunerusumimmi issiasimatilluni annialersarpoq. Taamaammat aamma ullup qiteqqunnerani timini qasuersaartinniarlugu sinngusartariaqartarpoq.
- Oqartussani atorfillit tallimat oqarfiginikuuvaannga siusinaartumik pensionisiaqalernissannut qinnuteqarsinnaasunga, Sara Jilsø Fleischer pillorissaasutut ilinniagaqarsimasoq, taama oqarpoq.
Inuit innarluutillit illersuisoqarfiannit, Tiliumit, misissuititsimanerup ersersippaa suliffeqarfiit innarluutilinnut akuutitsinngitsut.
Aviisimi AG-mi, uani pisiarisinnaasarni, atuarnerusinnaavutit: