Inuit innarluutillit illersuisuat toqqagaaqqittoq
Inuit innarluutillit illersuisuat Christina Johnsen, ukiut pingasut tulliuttut suliaminik ingerlatseqqittussanngorlu Naalakkersuisunittoqqarneqaqqippoq.
Christina Johnsen, ukiuni pingasuni kingullerni innarluutilinnut illersuisutut atuussimasoq, ukiuni pingasuni tulliuttuni inuit innarluutillit illersuisuattut ingerlaqqissaaq.
Tamanna eqqissilluni sulinissamut pingaarutilipilussuuvoq, inuit innarluutillit illersuisuat Sermitsiaq.AG-mut oqarpoq.
Misigisimavoq suliat ingerlatani maanna nangillugit ingerlaqqissinnaanngorluni, suliassanillu allanik aallartitsisinnaanngorluni:
- Toqqagaaqqinnera qujanarpoq. Naalakkersuisunit tatigineqarluarnertut tamanna isigaara. Nuannaarutigaara Tiliumi suliarisavut naammassisinnaangorakkit, Christina Johnsen Sermitsiaq.AG-mut oqarpoq.
Pissutsinik eqqumaffiginninnerulersitsisimasoq
Isumaginninnermut Naalakkersuisoqarfiup, Christina Johnsenip inuit innarluutillit illersuisuattt toqqagaaqqinnera pillugu tusagassiorfinnut nalunaartueqarnermi ilisimatitissutigaa.
- Tilioq maannakkut inuit innarluutillit illersuisoqarfiattut pilersinneqarsimalerpoq aamma
ukiut kingulliit pingasungajaat inunnut innarluutilinnut pissutsit sammineqarnerinut
annertusaasimavoq. Inuit innarluutillit illersuisuattut suliamut tassunga Christina Johnsen
siuttuusimavoq..
Pitsaasumik neriuuteqarlutik - inunnut innarluutilinnut suliassaqarfimmi
soqutiginnittunut tamanut nuannaarutaasumik - ukiuni tulliuttuni pingasuni suliap
ingerlateqqinneqarnissaanut Naalakkersuisut qilanarput, Isumaginninnermut
Naalakkersuisoq Martha Abelsen tusagassiorfinnut nalunaaruteqarnermi oqarpoq.
Kingullermik Qaanaamiissimasoq
Isumaginninnermut Naalakkersuisoqarfik naapertorlugu, Christina Johnsen inuttassarsiuinermut naleqqiullugu qinnuteqartunit Christina Johnsen
piukkunnarnerpaatut nalilerneqarsimavoq.
Christina Johnsen inatsisilerituutut ilinniagaqarpoq. Kingullermik Qaanaamukarsimavoq, inuillu innarluutillit nunatsinni illoqarfiit avannarlersaanni atugaat pillugit Avannaata Kommunianik ataatsimeeqateqarsimalluni. Tamanna pillugu angalanermit nalunaarusiaq suli suliarineqarpoq.
Inuit Innarluutillit illersuisut pillugu Inatsisartut inatsisaat malillugu Inuit innarluutillit
illersuisuannik – piffissami ukiuni pingasuni – Naalakkersuisut toqqaasussaapput.
Toqqaaqqinneq ataasiarluni pisinnaavoq.