Skip to main content

Inuit eqqaavimmi nerisassarsiortartut

Narsami inuit kaattut niuertarfinnit nerisassanik ullorminnik qaangiisimasunik eqqaavimmi suli katersisarput

Inoqartarpoq isertitannguaminnik tamakkiisunik imigassamut atuisartunik, taamaalillutik nillataartitsivitsik nerisassanik immersinnaanagu. Aningaasaataarukkaangamillu eqqaavimmut nerisassanik pisoqalisimasunik katersisarput. 

Narsami innuttaasut arlaqartut taamaattunik atugaqarput, inuit inuiaqatigiinni atugarliortut eqqaavimmi nerisassanik katersiartortarlutik. Siumut sinnerlugu Inatsisartunut ilaasortaq Ineqi Kielsen naapertorlugu pissutsit allanngortinnissaannut eqqarsartaaseq allanngortinneqartariaqarpoq. 

Atuaruk: Eqqakkanik suliaqarneq suliffissaqartitsilluartoq

Immikkoortiterineq
Nerisassanik tillinniaqarneranut’ ajornartorsiuteqartoqarpoq naak Kommune Kujalleq Narsami ulluinnarni nioqqutissanik niuertarfinnik isumaqatigiissuteqaraluartoq aatsaat eqqaavimmi sulisoqaraangat nerisassanik eqqaaneq pisassasoq. Suliaq kingullermik 2014-imi Inatsisartunut qineqqusaarnermi sammineqarpoq tassani Siumumiit Ineqi Kielsenip apeqqut ammasumik oqaluuseralugu. 

Narsarmi ulluinnarni nioqqutissanik niuertarfiit taamanikkut uppernarsarpaat inuit nioqqutissanik ulluminnik qaangiisimasunik katersisartut. Niuertarfiit taamanikkuli nerisassanik allanillu eqqagassanik immikkoortiterisalersimapput, inuit nerisassanik igitanik katersinissaat pinaveersaarniarlugu. 

Atuaruk: Siunnersuut: Neqit mingutsinneqarsimasut piitsunut

Akisussaassuseqartumik
- Taamanikkut Kommune Kujalleq ataatsimeeqatigaara, niuertarfinnullu erseqqissaassutigineqarpoq nerisassat pisoqalisut akisussaassuseqartumik passuttassagaat. Ajornartorsiullumi aamma annikinnerujussuanngorsimavoq. Ajoraluartumilli suli ajornartorsiutaavoq, Ineqi Kielsen oqarpoq. 

Kommune Kujalliup AG-mut uppernarsarpaa qanittukkut inuit eqqaavimmi nerisassanik katersisimasut. Tamanna pisimavoq suliffeqarfiit ilaata nerisassat ullussamikkut qaangiisimasut eqqaavimmut igimmagit eqqaavimmi sulisut soraareersut matualu parnaarlugu. Taamaattumik nerisassanik eqqakkat eqqaaviup ataanut iginneqarsimapput.

AG-imi uani sapaatip-akunnerani saqqummertumi allaaserisaq tamaat atuaruk, pisiniarfimmi imaluunniit uani ataani e-avisitut pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER