Skip to main content

Inuit atorneqarsinnaanngilaq

Kalaallit Nunaannik ateqarneq tulluisimaarutigisinnaavarput, Nunat Aqqinik Aalajangiisartut isumaqarput

Atermik allanngortitsinissaq pisariaqanngilaq, Kalaallit Nunaat ateq ajunngilaq.

Nunat Aqqinik Aalajangiisartut taama naqissusiipput, taakku nunap atianik allannguinissaq ukiormanna oqallisaanerata kingorna oqallisigisassortissimavaat, tamanna ilaatigut Inatsisartuni maanilu Sermitsiaq.AG-mi oqallisigineqarpoq.

- Nunat Aqqinik Aalajangiisartunut ilaasortat ataatsimiinnerminni saaffiginnissut misissuiffigingaatsiareerlugu isumaqatigiissutigivaat nunatta aqqa Kalaallit 
Nunaat atuutiinnassasoq, Kirstine Olsen, Nunat Aqqinik Aalajangiisartut siulittaasuat ilisimatitsivoq.

Atuaruk: Nunap aqqa piukkunneqarnerpaaq nassaarineqartoq

Atermik allanngortitsinissamik oqallinneq, tunngaviusumik inatsiseqalernissamut isumalioqatigiissitamik pilersitsisoqarnerani, tunngaviusumik inatsisissamut nunap aqqa aalajangiunneqarnissaanik pissuteqarpoq.

- Nunap aqqa pillugu apeqqut sammisaavoq oqallinnerni piffissamiit piffissamut saqqummertartoq, allaanissaannut siunnersuut tassaalluni Inuit Nunaat, nalunaarusiami tamanna atuarneqarsinnaavoq. Ateq taanna aamma Inatsisartunut ilaasortamit Nikolaj Jeremiassenimit Siumumeersumit siunnersuutigineqarnikuuvoq.

Inuit tulluartuunngilaq
Taannali ateq eqqarsaatigineqartariaqanngilaq, Nunat Aqqinik Aalajangiisartut isumaqarput.

- Nunat Aqqinik Aaliangiisartut isumaqarput Inuit Nunaannikoqaraangattanaggueqatigiit Siberiamiit Kalaallit Nunaat ilanngullugu nunat ataatsimut isigalugit pineqartartut,
taamaattumillu taaguutip taassuma atorneqarnissaanut isumaq orniginartinnagu, Nunat Aqqinik Aalajangiisartut siulittaasuat oqarpoq.

Nunani allani atorneqartartoq
Kalaallit Nunaat oqaluttuarisaaneq pissutigalugu, ateq toqqarluagaasoq illuanik paasinarsivoq.

- Inuiaqatigiit kalaaleq maanna taaguutigaarput, illuanik naggueqatigut inunnik taaguuteqarput. Taamatuttaaq Nunat Aqqinik Aalajangiisartunut ilaasortap avanersuarmeersup Jens Danielsenip nassuiaatigivaattaaq namminneq imminnut avanersuarmiut inunnik taasaraluarlutik nunanut allanut aallaraangamik kalaaliunerartarlutik, Nunat Aqqinik Aalajangiisartut ataatsimiinnilersaarutaanni tamanna allaqqavoq.

Aalajangiisartut taamaalillutik oqallinnerup matuneqarnissaa neriuutigaat, maannalu aterineqartoq ataqqineqarnerulissasoq.

- Nunat Aqqinik Aalajangiisartut isumatigiillutik oqaatigivaat kalaaliuneq tulluusimaarutaasarmat Kalaallit Nunaat nunatta ateriinnartariaqaraa, Kirstine Olsen allappoq.

Atuaruk: Anaanarput Kalaallit Nunaat qanoq ateqassava?

Maani Sermitsiaq.AG-mi atuartartut aperinikuuagut, ateq sorleq toqqarneraat. Inuit 1000-t sinneqartut taasinermut peqataapput, peqataasullu affaasa sinneri Nunat Aqqinik Aalajangiisartut isumaqatigilluinnarpaat; Kalaallit Nunaat tulluarnerpaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER