Inuit Ataqatigiinnik pilersitseqataasoq: – Innuttaasut ersarissumik ilisimatinneqartariaqarput

– Qinersinermi ajugaaneq pillugu ilorrisimaarneqnalliuttorsiornerlu qaangiutereerpoq, maannapiffissanngorpoq qinikkat iluamik sullisilerlutikqineqqusaarnermi neriorsuuterpassuaminnik, pingaartumikisertitakinnernut pitsaanerusumik atugassaqartitsinissamikneriorsuinerup timitalerneqarnissaa, Inuit Ataqatigiinnikpilersitsisoq siulittaasooqqaartorlu Aqqaluk Lyngekaammattuivoq.

Inuit Ataqatigiit ataatsimeersuarnissaanutullumi tallimanngornermi aallartittumutatatillugu partiip pilersitsisuisa siuttuataammalu partiip siulittaasoqqaavaAqqaluk Lynge IA-mut kaammattuivoqnaalakkersuisooqatigiit sulineranniIA siuttunngoqqullugu Naleqqallunammineq piumasaminik ingerlatsineraunikaallatseqqullugu.

Aqqaluk Lynge, partiip Inuit Ataqatigiit pilersinniarneqarnerani annertuumik sulissutiginnissimasoq, aammalu partiimi siulittaasooqqaarsimasoq piffissami 1978- 1993-mi, inussiarnersumik taamaattorli aamma ersarissumik partiip ataatsimeersuarnissaanut tunngatillugu kaammattuuteqarpoq:

– »The kissing time is over!« (»kunissuunneq qaangiutereerpoq«), politikkikkut aqqutiginiagaq nutaaq assersuunneqarsinnaavoq asannileqqaarnermut, asannilerneq taanna asanninnermut atasinnaasumut inerisinneqarsinnaavoq, aappariilersut imminnut soqutiginertik attatiinnarsinnaassappassuk aammalu ataqqeqatigiinneq tatigeqatigiinnerlu inerisarsinnaassappassuk, taamaanngippat avissaarnissaq kisimi aqqutissaalersinnaammat.

Manna tikillugu naalakkersuisooqatigiit nunanut allanut tunngatillugu ersarissorujussuullutik aallartipput, tamanna pivoq nunatsinni innuttaasut qineqqusaaruterpassuit timitalersorneqarnissaannut tunngatillugu ersarissumik ilisimatinneqarnissaminnut utaqqisinneqarneranni, Aqqaluk Lynge taamak oqarpoq Inuit Ataqatigiit Naleqqallu naalakkersuisooqatigiittut aallartinneqarneranniit maannamut killiffigisaq tikillugu ingerlasimanerat pillugu naliliinermini.

Pissusilersorneq eqqumiitsoq assissaqanngitsorlu

Taamaattorli aamma Aqqaluk Lynge allarpassuit assigalugit maluginiagaqareerpoq partiiminut innarliissutaasinnaasutut isigisaminik, tassalu IA-p Naleqqallu suleqatigiinnerminnik aallartitsilaaginnarlutik naatsorsuutiginngisamik ajornartorsiutinngorsinnaasumik pilersoqarsimaneranik.

Tassalu Lyngep naammaginngilluinnakkaminik nunanut allanut, inuussutissarsiornermut, niuernermut silallu pissusaanut naalakkersuisup Pele Broberg-ip Aaja Chemnitz Larsen-imik naapitsiumagaluartumik itigartitsinera, Aajammi folketingimi sulinerminut atatillugu aammalu folketingip Kalaallit Nunaat pillugu ataatsimiititaliaani siulittaasutut inissisimanerminut atatillugu Pele naapikkumagaluaramiuk suliassaqarfigisaalu pillugit oqaloqatigiumagaluarlugu:

– Pele Broberg pisumi eqqumiitsumik assissaqanngitsumillu pissusilersorpoq, isumaga naapertorlugu politikkikkut sulinermi pissuserissaarnissamik ileqqoqarnermut uniuilluinnarluni, isumaqarpungalu ersarissumik Aaja utoqqatserfigineqartariaqartoq, soorunalumi neriuutigaara tamanna pereersoq.

Oqaluttuaq tamaat Sermitsiami sapaatip akunnerani matumani saqqummersumi atuarsinnaavat, aviisi ugguuna iserfigisinnaavat:

Powered by Labrador CMS