Inuit amerlanerit suliffissarsiulersimapput
Coronap nunarsuarmi tuniluunnerata kinguneranik, assigiinngitsutigut ikiorsiissuteqartoqarlunilu aningaasarsiassanut taarsiissuteqartoqartaraluartoq, juunip qaammataani suliffissarsiortut amerlisimapput.
2020-mi juunip qaammataani inuit 1.866-it suliffissarsiortutut allatsissimapput. Ukiup siuliani qaammammi pineqartumi suliffissarsiorsimasunut sanilliullugu, suliffissarsiortut taamaalillutik 214-inik amerlanerupput, Naatsorsueqqissaartarfik ilisimatitsivoq.
2020-mi maajimiit juunimut suliffissarsiortut 169-inik ikinnerulersimpput. 2019-imi aamma taamatut pisoqarsimavoq, tassa 2019-imi maajimiit juunimut suliffissarsiortut 174-inik ikileriarsimagamik.
Miinusioriarlutik plusinngorsimasut
Ukioq manna martsip qaammataata tungaanut suliffissarsiortut ikiliartorsimapput, malunnartumilli apriilip qaammataaniit amerliartoqqilersimallutik - takussutissaq tulliuttoq takuuk:
2020-mi martsip qaammataa naalersoq, COVI-19 pissutigalugu malittarisassat atuutsinneqalerput.
Inuit suliffeqarfinnit namminersortunit aningaasarsiaqartillugit angerlartinneqarsimasut suliffissaaleqisutut nalunaarsorneqarsimanngillat.