Skip to main content

Inuit 60-it sinnerlugit amerlassusillit illoqarfimmit allamit ingerlariaqqissinnaanngitsut

Kalaalerpaaluit nunanillu allaneersut ataasiakkaat angerlamut apuutinngittoorsimapput, Air Greenlandip timmisartuussisarnerminik unitsitseqqullugu peqquneqannginnerani. Kommunit ilaasunik taakkunannga ingerlariaqqissinnaanngitsunik isumaginnittariaqarput

Air Greenlandip nunami silaannakkut angallassisarnera pisortat unitsimmassuk, kommunit immikkut suliassaqalersimapput. Qeqqata Kommuniata inuit 20-t Sisimiuni inuillu 25-t Kangerlussuarmi unnuisarfeqarnissaat isumannaartariaqarsimavaa.

- Soorunami inuit ulluinnarni akisussaaffiginngisat isumagisariaqalerlugit nalunarsinnaavoq, pingaaruteqarporli pissutsit maanna atuuttut eqqarsaatigalugit tamatta akisussaafimmik tigusinissarput, Qeqqata Kommuniani pisortaq Juliane Henningsen Sermitsiaq.AG-mut oqarpoq.

Inissaqartitsineq nerisaqartitsinissarlu

Tikeraat ingerlariaqqissinnaanngitsut inissaqarnissaat nerisaqarnissaallu kommunit isumagineqarpoq.

Kommuni Qeqertalimmi pisortaagallartoq Thomas Holm Jensen ilisimatitsivoq, kommuni inersimarsunit marlunnit saaffigineqarsimasoq.

- Imaassinnaavoq amerlanerusut ingerlariaqqissinnaajunnaarsimasinnaasut, namminnerlu aaqqiissutissarsisimasinnaasut, Thomas Holm Jensen Sermitsiaq.AG-mut oqarpoq.

- Saaffiginniginnittoqaraangat tamatigut nalilersuisarpugut. Ilaqutariimmi meerartallit sømandshjemmemut inissinneqarnissaat pitsaanerpaanngilaq, utaqqiisaasumik inigitinneqartartut taakkununnga pitsaanerpaassapput. Saaffinnittulli taakku marluk inersimasuupput, Thomas Holm Jensen ilisimatitsivoq.

15-t Nuummit ingerlariaqqissinnaanngitsut

Illoqarfiit pingaarnersaata kommuniani innuttaasut 15-it, tamarmik Kalaallit Nunaanni najugallit ingerlariaqqissinnaarjunnaarsimasut isumagineqarsimapput.

Avannaata Kommuni innuttaasunik ingerlariaqqissinnaajunnaarsimasunit suli saaffigineqarsimanngilaq.

- Pisariaqartitsisoqalissappalli kommuni ikiorsiipallannissamut piareeqqavoq, borgmesteri Palle Jerimiassen Sermitsiaq.AG-mut ilisimatitsivoq.

Kujataani atuartut pingasut

Kommune Kujallermit ilisimatitsissutigineqarpoq, atuartut pingasut Qaqortumi atuartut angerlarsimaffianniittut nunaqarfimminnu Ammassivimmut angerlarsinnaasimanngitsut. Taamaammat atuartut taakku pingasut atuartut angerlarsimaffianniiginnartut.

Kujataani allanit taamatut inissisimasoqarnersoq kommunimit maannakkorpiaq ilisimaneqanngilaq, ajornartorsiutaalersinnaanerali eqqumaffigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER