Inuiattut ullorsiorneq
Inuiattut ullorsiorneq Nuummi imatut nalliuttorsiutigineqassaaq
Ukioq mannattaaq Inuiattut ullorsiornermi Kommuneqarfik Sermersooq pisussaqartitsilluaqqippoq
Annonse
Inuiattut ullorsiornermi Kalaallit Nunaanni illoqarfiit pingaarnersaannik pisussat assigiinngitsut aallartinneqareerput.
Ualeru pisussat Katuaq suleqatigalugu aaqqissuunneqarsimapput.
Nalliuttorsiorneq Leif Saandvig Immanuelsenip Katuami nalunaaqutaq 13.15 ammassavaa. Pisussani ilaatigut puisinniarnermik unammisitsinermi ajugaasut suaarutigineqassapput, NAIP-meersut kalattuussapput, Qiajuk qitinnermik takutitsissaaq Dariisialu quiasaarissalluni. Ullup ingerlanerani aamma sorpassuarnik pisoqartussaavoq.
Pisussat Nuutoqqami ingerlanneqassapput nalunaaqutaq 13 aamma 17 akornanni. Silarluleraluarpat aaqqissuussinerit tamarmik Katuamut nuunneqassapput, aaqqissuussisut paasissutissiipput.