internetsi

Internettimik atuisut kukkunikkut eqqugaasut

Bredbåndimik atuisut arlallit tallimanngornermi matusaapput siumut ilisimatitsinertaqanngitsumik. Tamanna teknikkikkut ajoquteqartoqarneranik pissuteqartoq, Tele-Post nalunaarpoq

Bredbåndimik atuisut arlallit siumut ilisimatitsinertaqanngitsumik tallimanngornermi matusaasimapput

Bredbånd atorlugu internettimik atuisut atorsinnaasamik 80 procentia atoreeraangassuk Tele-Post ilisimatitsissuteqarpoq. Tamanna Tele-Postimi atuisunut arlalinnut atuutinngitsoorsimavoq.

- Tamanna ajuusaarutigaarput. Ajoqut pilersimavoq internetsimut nittartagaq iluamik nutartersimanngimmat, taamaalilluni atuinerpiaq bredbåndilinnut isertarfiup takutissinnaasimanngilaa. TELE-POST-ip aammalu bredbåndilinnut isertarfimmik pisiffiusimasup ajoqutaasoq misissorpaat periarfissarlu siullerpaaq atorlugu ajoqutaasumik aaqqiiniassallutik. Iluarsinissaata tungaanut nittartagaq taanna minnerpaamik ullormut ataasiarlugu nutarternissaa isumagineqarumaarpoq, Tele-Postimi pisortap tullia Steen Montgomery-Andersen nalunaarpoq.

Ajoqutaasoq Tele-Postip suli misissorpaa annertunerusumillu ataasinngorpat ilisimatitsissuteqassalluni.

Atuisut bredbåndiminnik suli ajornartorsiuteqartut Tele-Postimit qinnuigineqarput Atuisunik Sullissivimmut sianeqqullugit 808080-imut imaluunniit kundeservice@telepost.gl-imut allaqqullugit.

Powered by Labrador CMS